#ZabilianZ Aug 18, 2026: Fiber glass hmanga siam, gas cylinder thar Indane XTRALITE NOW chu vawiin khan Food Civil Supplies & Consumer Affairs Minister B. Lalchanzova'n Mizorama vantlang tana hman theih turin a tlangzarh.
State Guest House, Aizawla Gas cylinder thar tlangzarhna hian FCS&CA Minister chuan Indian Oil Corporation Limited (IOCL)-in Indane XTRALITE NOW gas cylinder an chhawpchhuak chu lawmawm a tih thu a sawi a. Eirawngbawlna gas indaihloh avanga dan lova black-a gas hralh thin pawh a tihziawm a beisei thu a sawi.#zabilianznews
FCS&CA Minister chuan gas cylinder thar chu sorkar hnuaia subsidy anga pek tur a nih ve loh thu sawiin, gas cylinder thar Mizorama a lo luh avang hian Mizoram-in IOCL atanga gas cylinder a hmuh zat a tlem phah dawn loh thu a sawi a. Eirawngbawlna gas-a harsatna a awm loh na tura sorkarin hma a lak zel thu leh Mualkhang Gas bottling plant pawh hman theih tura hmalak zel a nih thu a sawi bawk.
Indane XTRALITE NOW gas cylinder hi fiber glass hmanga siam niin, gas cylinder pangngai aiin a zang a, a chhung langtlang thei tura siam a nih avangin gas awm zat a hmuh theih a. He cylinder hmang tura in-register man Rs. 4900 vel niin, a refill man Rs. 1800 vel ni tura ruahman a ni a. Aizawl-ah chuan MIZOFED leh Vanbuangi Gas agency ten an pe chhuak hmasa phawt dawn a ni.#zabilianz #zabilianznews #zofatehuapzo
0 Comments