#ZabilianZ Aug 14, 2026: Information, Public Relations, Printing & Stationery Secretary Betsy Zothanpari Sailo-in film tha siam turin hnamdang leh ramdang ngai lovin Mizoram-ah khawvel hmaa pholan tlak thil thar leh tha zawk tam tak a awm niin a sawi.
North Eastern Council (NEC) bultuma Entertainment Society of Mizoram leh Directorate of Information and Public Relations tangkawpin I&PR Mini-theatre, Lianchhiari Run, Aizawl-a Film-Fest 2026 (Short & Documentary Film Festival) an buatsaihah he thu hi nimin khan IPRP&S Secretary chuan a sawi a. Film industry chu intihhlimna ngawt ni lovin, eizawnna siam theitu, hnam ziarang phochhuahna leh hnam humhalhna hmanraw pawimawh niin a sawi.
Short film leh documentary film in film industry huang-ah hmun pawimawh tak an luah thu sawiin, Film siamtute leh thangthar film industry lama luh tum te chu an huang zauh turin a chah bawk.
Film-Fest 2026 hian vawiin thleng a awh dawn a, Film lama mithiamte nen film kaihhnawih thil pawimawh zirhona hun master class buatsaih a nih bakah a duh apiangte en theih turin Mizo film te tihchhuah a ni bawk ang.#zabilianz #zabilianznews #zofatehuapzo
0 Comments