MPCC Vice President-in thil tul lo sawi tam lutukah Chief Minister a puh

#ZavilianZ Aug 14, 2026: MPCC Vice President John Rotluangliana'n Chief Minister chu thil tul lo sawi tam lutukah puhin, senior te an liam hnu a duh duh sawiah a puh.

Congress Bhavan, Aizawla political session-ah he thu hi MPCC Vice President chuan Chief Minister chungchang hi a sawi a. "A political career hria kan tam, 'London-ah Pi Indira-i'n min tir' a ti a, khatih laia Chief Minister Pu Hawla chuan 'passport nei remchang a ni a, kan tir" a ti thung niin a sawi.

John Rotluangliana chuan "Pu Liansuama ka bia a, a ni chuan 'Pu Duhoma'n MP a bansan kha remna leh muanna a duh vang a ni lo, 1984-ah Congress-ah a rawn lut a, Lunglei lamah candidate turin kan tir a, ani lah Khawbung lamah din a tum a, Lunglei-ah a va tla' a ti" a ti a. "'Party inthlanah MLA ni lo, kan senior Pu J. Lalsangzuala kha President turin kan ruat a, Pu Lalduhoma’n floor atangin a chuh lui a, Lunglei lam an rawn kal that avangin President-ah a tling ta a ni', a ti" a ti bawk.#zabilianznews

Mizoramin remna leh muanna a neih chungchang mimal insawi thei tur an awm loh thu John Rotluangliana chuan sawiin, "remna a awm theih nan MNF kha mipuiin moral support an pe a, kohhran hruaitute pawhin nasa takin an bei a, MNF be turin Bangladesh lamah an kal vang vang a, keini Congress pawhin seat kan lo kian a ni" a ti.

"Remna leh muanna a awm theih nan Pu Lalduhoma hian 'phek tinah ka tel' a ti a. Remna leh muanna duh avanga IPS hna bansan niin a insawi a. Pu Hawla'n, ‘Kan sawm lo, amah a rawn intatlut a ni,’ a ti thung" John Rotluangliana chuan a ti bawk.#zabilianz #zabilianznews #zofatehuapzo