#ZabilianZ Sept 21, 2026: MNF President Zoramthanga'n Chief Minister nilai leh politics-a an elpui ṭhenkhatin MNF movement leh Mizoram Peace Accord (Memorandum of Settlement) sawinep leh sawihnawm an tum thin niin a sawi.
MNF-in 'Martar Day' vawi 46-na vawiina Aizawla an hmanna ah he thu hi MNF President chuan a sawi a. Mizo hnam sipai ten nunna thapa an sual chhuah chu sawinep theih a nih loh thu sawiin, "inremnaa tel ve lo, a engamah hre tak tak lo ten sawinep an lo tum ve ngawt chi pawh a ni hek lo," a ti.
MNF President chuan, harsatna tam tak paltlanga Mizoram Peace Accord-in a hlawhchhuah Article 371(G) leh ILP tiderthawng thei zawngin ZPM sorkar a che nia sawiin, demawm a tih thu a sawi a. "Kan thuneihna hmanga kan ram kan humhimna tur FCAA an lo dahkham te lalet a, kan ram leh hnam, kan mipuite tan kan sawhngheh leh theihna turin kum 2028-ah MNF-in sorkarna a chan leh ngei a ṭul," a ti bawk.#zabilianznews
Zalenna sualtu Mizo hnam sipaite leh Mizo hnam martar te thisenin thil tam tak a hlawhchhuak nia sawiin, thil hlu tak a nih thu a sawi a. Kohhran, political party, NGO leh ram mipui duh dana inremna lo awm ta pawh hlu tak, an theihnghilh ngai loh a nih thu sawiin, "thangthar lo awm zel ten ram tana zalenna sualtu Mizo hnam sipaite leh hnam martar-te ngaihsan nachang leh hlut nachang an hre zel a, a lawmawm hle a ni" a ti.
Martar te Ni hi nimin kha ni mahse, Pathianni a nih vangin vawiinah Mizoram hmun hrang hrangah MNF hruaitu ten an hmanpui a ni.#zabilianz #zabilianznews #zofatehuapzo
 sawinep leh sawihnawm an tum thin :MNF President ){kind=link}
0 Comments