#ZabilianZ Sept 22, 2026: Mizoram Labour Link LPS Pro Fight khelh mekah October ni 13, 2026 zana exhibition bout hnih awm turah mipui lawm hlawh Lalremthanga Hmar - Zo Awle a inlan leh dawn a, bout dangah hmeichhe boxer an inlan thung ang.
Kum 30 mi, Sakawrdai boxer Remthanga hian flyweight-ah khelin, September ni 8 - Pro Fight tan zanah Khamsuana, Khawkawn hnehin, September 14 zanah Ratu rawlthar, Malsawmtluanga lakah a chak zo ta lo thung.
October ni 13 zanah hian weight hrang hranga title chuh tur zawnna final buatsaih a nih rualin exhibition bout pahnih a tel dawn a, pakhat zawkah mipui lawm hlawh Remthanga hi inlan tura ruahman a ni.#zabilianznews
Pro Fight-ah hian quarterfinal lut te chu October ni 3 zing dar 8 atangin an inbuk tha leh vek dawn a. Champion lai panga zinga pathum - Lalrinngheta (flyweight), Lalkhawngaiha (lightweight) leh F Lalthanliana Junior (middleweight) te chu champion kawnghren hum tura title fight-a an inlan dawn avangin weight pathumah hian title chuh tur zawnna final buatsaih a ni dawn a. Bantam leh welterweight-ah champion lai, Laldinsanga leh Lallawmawma’n champion kawnghren an hum dawn lo ve a, weight pahnihah hian title chuh tur zawnna final a awm ve dawn loh avangin semifinal-a chak te title fight-ah an inlan nghal ang.
October ni 16 zanah Title Fight in he inelna hi a hmawr an bawk dawn a ni.#zabilianz #zabilianznews #zofatehuapzo
0 Comments