#ZabilianZ Sept 19, 2026: Bana Kaih (handholding) scheme thawhkhatnaah CM special package hmangin chhungkaw 2255 tanpuina pek an ni a. Tanpuina sum pek chhuah zawng zawng Rs. vbc 18, nuai 33, sing 5, sang 8 leh 370 a ni. A thawhhnihnaah CM special package hmangin chhungkaw 3113 te tanpuina pek leh an ni a. Sum pek chhuah zawng zawng Rs. vbc 15, nuai 17, sing 4, sang 5 leh 500 niin, tanpuina dawng tawh zawng zawng 5368 an ni a, tanpuina dawng tura thlan, la dawng lo mi 1907 an la awm bawk.
Mizoram State Policy Coordination Committee Vice Chairman Dr. KC Lalmalsawmzauva'n a sawi danin loan component-ah Bana Kaih hnuaia loan la tur mi 823 thlan an ni tawh a, heng mi te loan dil zat belhkhawm Rs. vbc 118, nuai 57, sing 7 leh 195 niin, loan dilna la chinfel loh 154 a la awm. Bana Kaih scheme atana sorkar thawhpui bank ten loan la tura thlan tawh mi 823 atangin mi 509 hnenah loan an pe tawh a. Loan pek chhuah tawh zat belhkhawm Rs. vbc 46, nuai 37, sing 3, sang 9 leh 450 niin, loan la tura thlan tawh, la pek loh mi 314 an la awm mek a ni.#zabilianznews
Bana Kaih scheme atana sorkar thawhpui bank zingah Mizoram Rural bank-in Bana Kaih scheme hnuaiah loan pe tam ber tawhin, mi 328 an pe tawh a, State bank of India-in mi 108 pe tawhin, Mizoram Cooperative Apex bank-in mi 65 an pe tawh a, Union Bank of India-in mi 7 leh IDBI-in mi 1 an pe tawh bawk.
Sorkar-in loan hmutute tana guarantee fee - bank pathumte hnenah Rs. nuai 14, sang 1 leh 762 a pe tawh a, loan pung Rs. vbc 1, nuai 12, sing 1, sang 3 leh 347 a peksak tawh bawk a ni.#zabilianz #zabilianznews #zofatehuapzo
0 Comments