#ZabilianZ Sept 18, 2026: Chief Minister Lalduhoma'n an lo tlangau pui thin, thlai thar leina budget-a dah, loan pung awm lo leh bank guarantor-a sorkar a tan theih thu te chu Bana Kaih scheme kaltlangin an tihlawhtling chho zel niin a sawi.
Bana Kaih (Handholding) Scheme thawh thumna (3.0) vawiina a tlangzarhnaah he thu hi Chief Minister chuan a sawi a. He scheme a hlawhtlin theihna tura mawhphurtu zawng zawng chungah lawmthu sawiin, he scheme atana sorkarin a thawhpui bank te leh sorkar thawhhona pawh a tha niin a sawi.
Bana kaih hmangin moral reformation a thleng mek niin Lalduihoma chuan a sawi a. Thalai, ram pawna hna zawng mek te tan bank loan lak tur a awm loh avangin - Bana Kaih kaltlanga foreign placement loan pek dan an ngaihtuah mek thu a sawi a. Bana Kaih atanga tanpuina dawng, vanduaina avanga hlawhchhamte tan a thawh thumnaah hian rehabilitation scheme siam an tum thu a sawi bawk.#zabilianznews
Chief MiInister chuan Bana Kaih hnuaia hmalaknaah a vil zui lam uar zawka kalpui tum a nih thu sawiin, "Mizorama project tam ber hlawhchham chhan chu vil zui a nih thin loh vang a ni" a ti a. Tanpuina dawngtu zawng zawng te dik tak leh rinawm taka an tanpuina dawn hmang turin a chah a ni,
Handholding scheme chu Vishit Barat 2047 tinzawn chunga kalpui a nih thu sawiin, "moral reformation kalpui chung zelin Mizoram economy hi sang taka chawikan kan tum a ni" a ti bawk.#zabilianz #zabilianznews #zofatehuapzo
0 Comments