#ZabilianZ Sept 22, 2026: Mizoram sorkar-in primary school zirtirtu (regular) 671 lak phalna a pe tawh a, a tahtawla lak tur niin, sorkar kum kal mekah 100 lak phawt tura ruahman a ni.
Chief Minister Lalduhoma hova education dept-a thawktute chungchang ngaihtuaha thutkhawma tarlan a nih danin, middle school zirtirtu (contract) 544 lak phalna pawh pek tawh niin, hei pawh hi a tahtawla lak tura tih a ni a, kuminah 212 lak phalsak an ni.
High school zirtirtu (regular) 107 lak phalna pawh pek tawh niin, kuminah 57 lak phalsak an ni a. A tahtawla lak tur bawka ruahman a ni.
Chief Minister hova Education Minister Dr. Vanlalthlana leh Education, Finance leh DP&AR official te thukhawm chuan District Education Officer (DEO) leh Sub-Divisional Education Officer (SDEO) post ruak tam lutuk tihziaawm dan tur pawh sawihovin. Circle Education Officer-te Sub-Divisional Education Officer-a an kai chhoh ran theihna tura rawtna awm mek pawh a rang lama umzui tha an ti a. Mizoram Education Service rawtna pawh Council of Ministers thutkhawma chhawpchhuah theih thuai beisei a ni bawk.
Hindi Education Officer, Adult Education Wing leh Physical Education Wing lama harsatna awm te pawh sawihovin, Hindi Education Officer atan direct recruitment kalpui tul an ti bawk a ni.#zabilianz #zabilianznews #zofatehuapzo
0 Comments