#ZabilianZ Sept 18, 2026: MPCC President Lal Thanzara'n Congress an sorkar leh a nih chuan , corruption awm lo, kuthnathawktute thlai hralh leh sawngbawlna an ngaipawimawh dawn nia sawiin, thalaite eizawnna turah theihtawpa hma an lak tur thu a sawi bawk.
Congress party political session vawiina neihah he thu hi Lal Thanzara chuan a sawi a. Zoram hmuntinah kawngpui chauh ni lo, fehkawng te thlengin tuilet hnua kawngchhiat ber tum a thleng mek niiin a sawi a. Kawng siamtu NHIDCL chu Central lam pawisa siamna nia sawiin, an kawng siam a mam pur a, furkhat pawh a daih loh thu a sawi.
Central a Congress a sorkar lai kum 2005-a mipui leh sorkar langtlang taka an indawrna tur leh corruption venna tura Right to Information (RTI) Act an siam pawh Mizorama sorkar lai chuan an pawngsual mek niin MPCC President chuan a sawi a. "Mipui ten an thil hriat duh an zawt a, RTI zawhna reng reng a chhanna tur a concern minister te hriatpui hmasak te a ngai a ni awm e, RTI zawhna an chhang tha duh lova, chhan duh loh pawh an nei a ni awm e" a ti.
MPCC President chuan "ZPM sorkar hi an sumdawng emaw tih mai tur a ni" tiin, "Medical College Congress in kan lo din chu an enkawl huphurh a, hralh an tum a. Centre in 'kan tuamhlawm ang che u' an tia an la enkawl hram hram" a ti a. "Hydel project pasarih aia tam min hralhsak tawh a. Chaltlanga Tourist Lodge pawh mihausa hnenah min hralhsak niin ka hre bawk" tiin, "Lengpui airport bul ram an hralh bawk a. Hralh tur hi an zawng reng mai a ni" a ti bawk.#zabilianz #zabilianznews #zofatehuapzo
0 Comments