#ZabilianZ Sept 19, 2026: Mizoram Subordinate Services Selection Board (MSSSB) Chairman hlui, MNF Adviser Lalrammawia'n MSSSB chungchang hre chiang lova sawiah Chief Minister Pu Lalduhoma a puh.
MNF party chhung inkhawm nimina neihah MSSB Chairman hlui chuan Chief Minister-in kum 2019-ah pawh MSSSB-in hna tam tak a pending tawh nia a sawi chu a hma atanga lo pending tawh a nih thu a sawi a. MSSSB a function hnu ah chuan MSSSB-in hna lak tur pending a nei lo niin a sawi.
Lalrammawia chuan, MSSSB thiah a nih chungchang Pu Lalduhoma'n a sawi chanchinbu lama an tarlanah Chairman pakhat MZP-in bang tura an nawr avanga bang ta nia a sawi pawh a diklo niin a sawi a. "Recruitment-in condition a siamah 'kum 65 aia upa lo' tih a ni a, kum 65 a over tak avanga chawl ta a ni zawk" a ti.#zabilianznews
MPSC leh MSSSB-in exam hun leh interview hun insu buai leh exam hall indiahlohna avanga harsatna an tawk thin nia Chief Minister-in a sawi pawh a dik tawklo niin MSSSB Chairman hlui chuan a sawi a. MPSC leh MSSSB khan engmah insu buai lo tura inrawntawn zelin thil an kalpui thin niin a sawi bawk.
MSSSB Chairman hlui chuan "ZPM chuan an sorkar hma atang leh an campaign laia an huat em em MSSSB chu an sorkar velah an thiat" a ti a. "MSSSB kha dik leh felfai takin a kal a, thil diklo leh fair lo pakhatmah a ti lo" a ti bawk a ni.#zabilianz #zabilianznews #zofatehuapzo
0 Comments