#ZabilianZ Sept 22, 2026: Zodin square, Aizawla multi-level car parking cum multi-utility centre saknaah Rs. vbc 8 chuang tangkai lova sen ral a ni.
Comptroller & Auditor General of India (CAG) audit report-a a lan danin UD&PA Dept-in Zodin square, Aizawla multi-level car parking cum multi-utility centre a sakna atan kum October ni 12, 2017-ah Mizoram sorkarin NEDP sum Rs. vbc 25 hman phalna a tichhuak.
He hmuna awm tur robotic car parking system chu he hmun sak zawh a nih hnu kum 5 leh a chanve dawn bun a nih loh avangin a senso tur Rs. vbc 8 leh nuai 6 chu hman tangkai a ni ta lo. Hei hian ruahmanna siam leh thawhhona kawngah thil felhlel tak a hring niin CAG report chuan a tarlang.#zabilianznews
He hna thawh hma leh sorkarin sum sen tur ruahman a chinfel hma kum 2016 April ni 25-ah UD&PA Dept-in inelna hmangin architectural design siamtu tur zawngin, Rs. nuai 1 lawmman a siam a. 'He inelna a lawmman pakhatna latu chu consultant emaw contractor-ah emaw ruat a ni ang' tih sawi tel awm lo chungin inelna a tel 6 zinga pakhatna JMT Architects, Zarkawt, Aizawl chu he hna thawk tur hian thlan a ni a, September ni 11, 2017-ah thil hrang hrang Rs. nuai 45 senna tur thawk turin inremna an ziahpui.
Zodin square, Aizawla multi-level car parking cum multi-utility centre hi July ni 13, 2018 (Zirtawpni) khan hetih hunlaia UD&PA Minister Zodintluanga'n a lungphum a phum a ni.#zabilianz #zabilianznews #zofatehuapzo
0 Comments