#ZabilianZ Sept 25, 2026: Tourism Minister Lalnghinglova Hmar-in khualzinte thlenna, a bikin homestay thenkhat chu ruihhlo leh mipat hmeichhiat kawngah diklo taka hman a nih thu leh chumi behchhana Mizoram rawn zin an awm thin nia an hriat thu a sawi.
Tourism Department officer te leh Aizawl Municipal Corporation (AMC) aiawhte nena homestay enzui leh Aizawl khawpui chei chungchanga thawhho dan tur an sawihonaah he thu hi Tourism Minister chuan a sawi a. “Homestay hi chhungkaw tam tak tan eizawnna a nih avangin a ṭawp ang tih kan hlauva, tourism leh ṭawp hi a inkawp kan duh lo" a ti.
Aizawl khawpui cheimawi pawh khualzin hiptu pakhat a nih avangin, Tourism Department chuan hunpui vuakvetah a hma lama mawi taka chei ni se an duh thu a sawi bawk.
He thutkhawmah hian AMC area-a khualzin thlenna Tourism Department leh AMC a inziaklut lo an tam thu leh registration nei lova hetiang kalpuite chu dan hnuaiah Rs. 50,000 thleng chawitir theih an nih thu te sawilan a ni a. Local Council te nen thawkhovin, registration nei lova hotel, homestay etc. kalpuite zawnchhuah runpui neih ni se, an mikhual thlen te register-ah an chhinchhiah tha em tih te enfiah ni se, an ti a ni.#zabilianz #zabilianznews #zofatehuapzo
0 Comments