#ZabilianZ Oct 22, 2026: Mizorama college hrang hrang Students’ Union hruaitute thukhawmin Finance Minister-in student excursion fund a tiam tawh chu a taka dahsak an phut a. "Kumin November thla ral hma ngeiin he fund hi a awmna tur college theuh ten an dawn kan phut a ni" an ti.
Mizorama college hrang hrang students’ union thuchhuah intawmin a tarlan danin, Mizoram Legislative Assembly thutkhawm vawi 6-na kumin March ni 3-a neihah Finance Minister-in student excursion fund a tiam a, he fund hi a taka dah a la nih loh avangin a taka dah an phut a ni.
Mizoram sorkara Higher and Technical Education Department leh Finance Department te chu he an thil phut tihhlawhtlinsak ngei turin College hrang hrang SU te chuan an phut a. An beisei huna tihhlawhtlin a nih loh chuan na taka a tawp thlenga hmalak an tum thu thuchhuahah chuan an tarlang bawk.
Hetih lai hian College hrang hrang ram buai chungchanga hmalakna leh hmsawnna a awm thu hrihhriat an ni chu lawmawm an tih thu College hrang hrang SU thuchhuah chuan a tarlang a. "Hemi chungchangah hian Higher and Technical Education Minister zahawm tak chungah lawmthu kan sawi" an ti bawk a ni.#zabilianz #zabilianznews #zofatehuapzo
.jpg)
0 Comments