Ruihhlo vanga Champhai Special Court-in thiamloh a chantir tawh HC-in thiam a chantir

#ZabilianZ Oct 01, 2026: Special Court, Champhai-in thiamloh a chantir Methamphetamine kg 4.3 avanga man Abdul Mukit chu forensic lama sample finfiah tura thawn a nih danah rinhlelhawm a awm avangin Gauhati High Court-in thiam a chantir.

Abdul Mukit hi February ni 22, 2021-a Champhai leh Zokhawthar inkara Police-in Alto car pakhata polythene dum  chhunga methamphetamine kg 4.372 vel a rit an man neitua puh niin, Special Court, Champhai-in thiamloh a chantir tawh a. Court thutluknaah lungawilovin High Court-ah a zualkova, thiam a chang ta a ni.#zabilianznews

High Court chuan Police-in methamphetamine an man chu Forensic-a thawn tura dahthat danah thil fello awm thei a awm niin a sawi a. Ruihhlo mantu ten an ruihhlo man chu Champhai Police Station Officer-in-Charge hnenah an hlan thu sawi mahse, prosecution chuan malkhana register emaw receipt emaw, seized articles te malkhana-ah an dah ngei tih finfiahna chu Court-ah an tichiang thei lova.

High Court chuan, seized articles-te O.C. hnenah hlan a nih thu chauh hmanga NDPS Act hnuaia hrem chu a dik loh thu a sawi a. Ruihhlo man te chu Magistrate hmaa a thlen hmain engtiangin nge safe custody-ah dah an nih tih finfiahna pawh a awm lo niin a sawi.#zabilianznews

Ruihhlo sample-te chu February ni 23, 2021-ah Magistrate hmaah lak, pack leh seal niin, Forensic lamin March ni 1, 2021-ah a dawng tih Court chuan a sawi a. "Forensic lamin an dawn hma ni 7 chhung hian sample-te chu tu kutah nge awm tih leh engtiangin nge safe custody-ah dah an nih tih prosecution witness-in an sawi chiang lo. Magistrate-in sample-te chu seal-in a rawn thlen tih certify mahse, sample-te chu a hmaah seal an nih thu chiang takin a certify lo" a ti bawk.

High Court chuan, Forensic lamin sample-te chu sealed condition-in a dawng a, seal chu sample seal nen a inang tih report awm mahse, sample-te safe custody-a an awm dan chungchangah evidence tha a awm loh chuan seal chu thlakthleng emaw tihdanglam emaw theihna a awm niin a sawi a. Magistrate hmaa thlen leh Forensi-a sample test a nih thlengin, tihdanglam a ni lo tih finfiahna record fel tak a awm ngai tih a sawi a ni.#zabilianz #zabilianznews #zofatehuapzo