#ZabilianZ July 04: MZP leh MSU-in Mizoram Assembly Secretariat hnuaia hna laka thil fel tawk lo a awm nia sawi an chhui zuina kalzelah vawiin khan MZP leh MZU hruaitute chu MSU Pisa Pui-ah an thukhawm a. Assembly Secretariat thuneitute chu tun thla ni 6 ral hmaa hnalakna order chu cancel tura ngenin, an hun tiam chhunga hnalakna order cancel a nih loh chuan Mizoram Legislative Assembly Secretariat Pisa tualah zirlai punkhawm an rel.
Mizoram Legislative Assembly Secretariat hnuaia thawk tur - translator, assistant, LDC leh UDC- tunhnaia lakah thil fel tawk lo leh chhungkhat laina, vua leh vang induhsakna uchuak a awm nia sawi chu MZP leh MSU chuan ngaihven zuiin, nimin lam khan a hran ve ve in thuneitute pawh an lo hmu tawh a ni.
Vawiina MZP leh MSU hruaitute thukhawm chuan Mizoram Legislative Assembly Secretariat hna lak dan kalphung leh document hrang hrangte zirchiangin, Assembly Commissioner & Secretary pawh a Pisa-ah an hmu nghal a. Thil awmdan te an zawhfiah hnu ah hnalak kalpui danah thil fello a awm ngei nia an hriat thu an sawi bawk.
0 Comments