#ZabilianZ Aug 18, 2026: YMA, Lunglei Sub-Hqrs., Vice President Zothanzuala Hnamte-in Mualthuam North-a pawikhawihna thleng chungchangah tualthattu chu khawtual mi emaw khawdang mi emaw pawh lo ni se a dawnsawn dan thiam turiin Mualthuam North YMA hruaitute a chah.
Lunglei Sub-Hqrs., YMA hruaitu ten Pathianni kalta (Aug 16, 2026) khan Mualthuam North hi tlawhin, YMA Run-a Mualthuam North YMA hruaitute nen an inkawmnaah he thu hi Sub-Hqrs., Vice President chuan a sawi a. YMA, Lunglei Sub-Hqrs., President K Lalfakzuala pawhin pawikhawihtu man chhuak tura theihtâwp chhuah tlân a tul thu a sawi.
Mualthuam North branch YMA President Laltea'n VC leh NGO dang te thutlukna angin nunau leh khawtlang thlamuan turin tlaivara an duty thin thu a sawi a. Police hmalakna a chak thei lo tih an hriat thu leh a nawr zawnga thuchhuah siam an tum rih loh thu te a sawi bawk.
Lunglei Sub-Hqrs., YMA hruaitute hian Ramdinpuii chhung te pawh tlawhin, an ral nghal bawk a ni.
0 Comments