ZabilianZ

#ZabilianZ Oct 31: Mizorama MLA inthlan atan vote thlak chhoh tan a ni a, vawiin tlai dar 4 thleng khan vote 5306 a tla tawh. Mizoramah a vawikhat nan 'home voting' kalpui niin, kum 80 chunglam leh vohbik, polling station pan harsat te chu in-ah kalchilha postal ballot hmanga vote thlak tir an ni. Vawiin tlai dar 4 thleng khan 'home voting' ah vote 1100 tla tawhin, inthlana duty tur postal ballot hmanga vote thlak 4206 an awm tawh a, a vaiin vote 5306 a tla tawh a ni. Mamit district-ah home voting-ah vote tla a la awm lova, inthlan duty tur 430-in vote an thlak tawh. Kolasib district-ah home voting-ah vote 61 leh inthlan duty tur vote 167 a tla tawh a. Aizawl district-ah home voting-ah vote 463 leh inthlan duty tur vote 779; Saitual district-ah home voting-ah vote 149 leh inthlan duty tur vote 280; Khawzawl district-ah home voting-ah vote 109 leh inthlan duty tur vote 119; Champhai district-ah home voting-ah vote 86 leh inthlan duty tur vote 261; Serchhip district-ah ho...

#ZabilianZ Oct 30: ZPM party Working President K. Sapdanga'n ZPM leh BJP sawizawm an awm thin nia sawin, thu diklo a nih thu a sawi a. "BJP nena sorkar siam tumah min puh a, May 17, 2023-a Headquarters Executive Committee chuan BJP nen thawhho kan tum loh thu resolution kan lo siam tawh" a ti. ZPM party chhung inkhawma vawiina neihah he thu hi K. Sapdanga chuan a sawi a. Eng ang pawhin BJP nena sorkar siam tuma puh ni mahse, a puhtute pawhin an awih lo nia sawiin, BJP pawhin an awih lo niin a sawi. Sorkar inring lo ten sorkar intawm a awm dawn lo nia sawiin, party mal sorkar siam phak an awm loh tur thu an vawrhdarh niin K. Sapdanga chuan a sawi a. Inthlan dawna thli nei apiangin majority sorkar an din thin zawk niin a sawi. ZPM Working President chuan party hlun pahnih ten nasa takin an beihrawn nia sawiin, "kan hotupa Pu Duhoma sawichhiatna atan press conference te an ko hial a, MLA fund eiruah rinthuin an puh a, a eiruk loh zia finfiahna kan hmu nghal" a ti a...

#ZabilianZ Oct 30: Lengteng biala MNF Candidate, bialtu MLA nilai Dr L. Thangmawia'n "Inthlan hmasa lamah min enchhin ve teh u, tiin inkhawngaihna dilin helai hmunah hian ka rawn ding tawh a, in mi khawngaih leh duhsakna dawngin MLA ka lo ni ta a, thlan nawn tlaka min ngai a nih chuan ka lawm a, thlan nawn tlaka min ngai lo a nih pawhin ka dem chuang lo che u" a ti. Ngopa khuaa Street Campaign-ah he thu hi vawiin khan Dr. L. Thangmawia chuan a sawi a. Bial tam takin bial mi ngei candidate an neih theih loh laiin Lengteng bial-ah chuan bial chhung mi ngei candidate mi 3 an awm thu sawiin, "tupawh lo tling sela Ngopa khawtlang tan hian theihtawp an chhuah ka ring a, bial chhung mite thutlukna apiang chu ka pawm a ni", a ti bawk. Covid hri leng leh harsatna dang dang ten tlakbuak mahse, Lengteng bial hmasawnna turin theihtawp an chhuah tih sawiin, a hlawhtlinna pawh tam tak hmuh tur a awm thu L. Thangmawia chuan a sawi a. Sorkar hmasain bul a lo tan tawh tipuitlin ...

#ZabilianZ Oct 30: Mizoram MLA inthlan atana campaign-in a vawrtawp a thleng chho mek a. Party hrang hrang te leh independent candidate te pawhin campaign hun a tawi tawh avangin thapui an chhuah chho tak tak ta hlawm. MLA inthlan lo awm tur atana campaign theih hun chhung chu vote thlak theih hun tawp November ni 7, 2023 tlai dar 4 atanga chhiarleta darkar 48 - November ni 5, 2023 tlai dar 4-ah a tawp dawn a. Hemi hnu hi chuan chanchinbu leh media dang hmanga campaign kaihhnawih thil tihchhuah pawh phal a ni dawn lo. Inthlan campaign theih hun tawp November ni 5, 2023 tlai dar 4 hnu lamah chuan campaign-a chhuak zawng zawng te pawh vote an neihna bial pawn lama an awm a rem tawh dawn lo bawk. MLA inthlan lo awm turah hian INC, MNF leh ZPM chuan Mizorama bial awm zawng zawng bial 40 an chuh kim dawn a. BJP-in bial 23; AAP-in bial 4 bakah Independent candidate 27 an awm. Candidate 174 awmin, an zinga 156 chu mipa niin, hmeichiha 18 an ni a. Bial hniha ding kawp mipa 2 leh hmeichhia 2 an...

#ZabilianZ Oct 30: Election Commission of India-in voter tam thei ang berin vote an thlak ngei theihna tura a ruahmanna pakhat - polling station pan harsat tur kum 80 chunglam leh pianphunga rualbanlote in-a kalchilha vote thlak tir (home voting) chu Mizoramah pawh a vawikhatna atana kalpui tan a ni. Aizawl district-ah kum 80 chunglam leh pianphunga rualbanlo, mahni in atanga vote thlak dil mi 900 chuang an awm a, vawiin atang khan an in-ah kalchilha postal ballot hmanga vote thlak tir tan an ni. Home voting buaipui tur hian Aizawl district-ah team 25 tirhchhuah an nih thu sorkar thuchhuah chuan a tarlang. MLA inthlan lo awm tura Aizawl district-a Police duty tur te pawhin vawiin atang vek khan postal ballot hmang bawkin vote an thlak tan bawk. Khawzawl district-ah pawh vawiin atang vek khan home voting kalpui tan niin, a buaipui turin team 6 tirchhuah an ni a. Khawzawl district-a MLA bial awmchhun Tuichang bial-ah home voting dil mi 142 awmin, mi 112 te dilna pawmsak an ni. Siaha dist...

#ZabilianZ Oct 26: MLA inthlan lo awm tura Serchhip biala Independent Candidate Ramhlun-Edena leh a Election Agent Lalremmawia te chu vawiin tlai khan Chief Electoral Office-a Media Cell-in kovin, tunhnaia social media leh chanchinbu kaltlanga thu thehdarh chungchang bakah inthlan kaihhnawih dan leh hrai chungchangte an sawipui. CEO Office Media Cell member te chuan vote thlak chungchanga media kaltlanga Ramhlun-Edena thusawiin mipuiah nghawng thalo a neih theih dan te sawiin, ngenna an siam a; Ramhlun-Edena leh a election agent chuan CEO Office Media Cell ngenna anga vote thlak chungchanga thuchhuah/thusawi tawh loh an remti niin sorkar thuchhuah chuan a tarlang.

#ZabilianZ Oct 26: Election Commission of India (ECI)-in ruahmanna a siam angin Serchhip district-a MLA bial pathum - Serchhip, Tuikum leh Hrangturzo biala kum 80 chunglam te leh rualbanlote chu vawiin khan a thawhkhatna atan an chenna In-ah kalchilha vote thlak tir tan an ni. Kum 80 chunglam leh rualbanlote vote thlak thawhkhatnaah hian Serchhip District Election Office atangin polling team 6-in vote thlakna atana hmanraw pawimawh te nen veng/khaw hrang hrang an tuam a. A thawhhnihna pawh neih chhunzawm leh thuai tura ruahman a nih thu sorkar thuchhuah chuan a tarlang. 

#ZabilianZ Oct 26: Mamit District Nodal Officer SVEEP/DIPRO SVEEP Dr. Saithantluangi Zote hovin vawiin tlai khan Mamit bazar-a nitin eichawp zawnga thu te hnenah vote thlak pawimawhna leh hlutna inzirtirna hun hman a ni. Systematic Voters' Education & Electoral Participation (SVEEP) hnuaiah vote thlak pawimawhna leh India khua leh tui nihnaa chanvo, tih ngei ngei tur a nih thu inzirtirna kalpui mek a ni a. MLA inthlan lo awm turah India khua leh tui, kum 18 tling chin ten an aiawha ram rorel tur rilru fim tak hmanga an vote hlu tak hmanga thlang vek turin SVEEP Mamit District chuan a ngen. Dr. Saithantluangi Zote chuan nitin eichawp zawnga bazara thu te chu India dan hnuaiah zalenna thianghlim tak an neih anga an duhna berah vote an thlak chu an chanvo a nih thu a hrilh a. A bikin hmeichhiate nitin hnaa buai an nih avangin vote thlak tura hun insiamte harsa ti an awm thin tih sawiin, an aiawha ram hruaitu kum 5 danah chauh thlan thin a nih avangin an vote khat chu a hlu hle tih...

#ZabilianZ Oct. 25: MNF party Adviser, Champhai South bialtu MLA, MLA inthlan lo awm tura he biala MNF Candidate ni bawk TJ Lalnuntluanga'n "Eirukna lakah ka fihlim tih in hria a, kalphung thar ni lovin, kan nihphung hi a tha a ngai zawk" a ti. MLA inthlan lo awm tur atana campaign mek TJ Lalnuntluanga chuan he thu hi nizan khan Kelkang-a an party mi te hmaah a sawi a. "Tu te emaw angin 'kan ti ang', kan ti ve ngai lova, a takin kan thawk mai a ni" tiin, "SEDP pawh kan sorkar tukah kan sem chhunzawm ang, hei hi sem ni lovin, dingchhuak tura intanpuina a ni" a ti bawk. MNF sorkarna hnuaiah Champhai bialah Sapthei sawngbawlna khawl bun a nih theihna tura hmalak a nih tawh thu sawiin, TJ Lalnuntluanga chuan Aieng, Grape leh Tomato sawngbawlna turah pawh hmalak a nih tawh thu a sawi a. "MNF in kan champion belt kan humhim a tul" tiin, midang pawisawi lova, an innghahna, 'Pathian leh kan ram tan', tih chu keng nung chunga campaign ...

#ZabilianZ Oct 24: MLA inthlan lo awm tura Lunglei South biala INC Candidate Meriam L. Hrangchal-in thlan tlin a nih chuan a biala hmeithai eizawnna mumal neilo, taima si te chu thla tin Rs. 2,000 tanpui a tum thu a sawi a. Rim taka lehkha zira, harsa taka MA pass, hna la hmu si lo te pawh hna an hmuh hma chu thla tin Rs 3,000 a puih a inhuam thu a sawi. Meriam L. Hrangchal chuan vawiin khan Lunglei South bial chhunga  Zehtet, Rualalung leh khaw dang dang te tlawhin, heng thu hi a sawi a. Zirlaite a ngaihpawimawh thu sawiin, dinhmun tha zawka dinga, hmantlak an nih ngei theihna tura hmalak chu a tum lian tak a nih thu sawiin, chutiang ni tur chuan Lunglei South bial chhunga zirlaite chu theihtawpa tan la turin a chah bawk. Lunglei South bial chhung hmun hrang hrang a fan na ah chhungkaw khawsak harsa, taima si, han puih deuha dinhmun pangngai taka ding thei tur a hmuh tam thu sawiin, heng te hian chona thar a siamsak nasat thu a sawi a. Leirem rap tura puitu mamawh tak tak te rawng...

#ZabilianZ Oct 24: YMA member 490601 awm mek zingah YMA Chanchinbu la 13000 an awm mek a. Aizawl khawpui chhung branch zingah YMA Chanchinbu la tam ber Durtlang Branch niin copy 409 an la a, pahnihna Republic Veng branch niin copy 251 an la. Electric Veng Branch pathumna niin copy 229 an la. YMA Inkhawmpui Lian, Zialung Run, Biate-a zanin atanga neihah zanin khan lawmman hrang hrang sem a ni a. Aizawl khawpui pawn branch zingah YMA Chanchinbu la tam ber Saipum Branch niin copy 330 an la a, pahnihna New Champhai Branch-in copy 166 lan la. Khawzawl Vengthar Branch pathumna niin copy 165 an la thung. YMA member awm zat atanga chhuta YMA Chanchinbu la tam ber branch Serchhip Bukpui Branch niin member 64-ah copy 55 (85.9%) an la a, pahnihna Saipum Branch niin member 897-ah copy 330 (36.7%) an la a, New Champhai Branch pathumna niin member 578-ah copy 166 (28.71) an la. Aizawl khawpui chhung leh pawn bakah YMA member awm zat atanga chhuta YMA chanchinbu la tam ber ten Rs. 3,000 theuh, pahnih...

#ZabilianZ Oct 24: YMA-in member - mipa 286858, hmeichhia 203743, an vaiin 490601 a nei mek a, YMA Life Member 11591 an awm mek. YMA Inkhawmpui Lian zanin atanga Zialung Run Biate-a neih tana palai lawmna inkhawma CYMA General Secretary report-a a lan danin YMA member 490601 an awm mek a, heng zinga mi 286858 te chu mipa  niin, hmeichhia 203743 an ni. YMA hruaitu hlun chawimawina dawng tawh mi 3119 an awm a, tuntum inkhawmpui liana dawng tur mi 155 an awm bawk a. CYMA hnuaiah Branch 819 awm mekin, Group YMA 50 leh Sub-Hqrs YMA 8 an awm mek bawk

#ZabilianZ Oct 24: September ni 9, 2022-a CYMA hnuaia ruihhlo do pawl Central Anti-Drugs Squad (CADS) din thar leh a nih atangin tun thla ni 11 thleng khan ruihhlo chi hrang hrang an man hlut zawng tualchhung rate-a chhutin Rs. 34,59,92,356 a tling. Tun thla ni 26 zan thleng awh tur YMA Inkhawmpui lian chu zanin khan Biate-a Zialung Run-ah tan a ni a. General Secretary report-a a lan danin CYMA-in CADS a din thar leh atanga tun thla ni 11 thleng khan Heroin (No.4) Hawng 2240 an man tawh a. Methamphetamine mum 10188; Alprozelum mum 2695; Tramator mum 51279; Pseudoephedrine gram 182; Ganja Kg 4 leh fun 80 leh Khuh damdawi Um 3170 an man tawh bawk. September ni 9, 2022-a CYMA-in CADS a din thar leh atanga tun thla ni 11 thlenga an ruihhlo man te hlut zawng hi tualchhung rate-a chhutin Rs. 34,59,92,356 a tling a ni.

#ZabilianZ Oct 24: South Tuipui biala ZPM Candidate Jeje Lalpekhlua'n sum leh therhlo dang hmanga vote zawn chu hlemhletna hmahruai a nih thu sawiin, "keini chuan kan ti ve dawn lo" a ti. Thingsai khuaa ZPM party hruaitute nen an thutkhawmnaah he thu hi vawiin khan Jeje Lalpekhlua chuan a sawi a. ZPM party hruaitute chu nghet tak leh rinawm taka awm tura chahin, Pathian tiha, rinawmna leh diknaa ram hruai duhtu party an nih avangin sum therhlo dang tawktar awm pawh ni se hnawl ngam turin a chah. Inthlan hmaa hun tlem te an la neih chu Pathian duh dana hmanga, an elpui te aia taihmak chhuah turin party hruaitute chu a chah a. "Kan thawhrim phawt chuan Pathian malsawmna pawh kan dawng anga, "kan ramah 'kalphung thar, mipui sorkar' kan din thei ngei ang" a ti bawk. Jeje Lalpekhlua chuan ZPM party-in sorkarna an chang a nih chuan Myanmar nena inkalpawhna kawng tha siama, South Tuipui bial chhunga Myanmar nena insumdawntawnna a awm theihna tura hmalak an...

#ZabilianZ Oct 24: MPCC Treasurer, MLA inthlan lo awm tura Aizawl South II biala INC Candidate ni bawk Dr. Lalmalsawma Nghaka'n MNF Party Adviser, Cabinet Minister leh MLA inthlan lo awm tura Aizawl West II biala MNF Candidate ni bawk Lalruatkima'n tun thla ni 21-a thuthar thehdarhtute a kawmnaa an party manifesto za-a 80 tihlawhtling tawh anga a sawi chu thu belhchian dawllo leh mipui rilru hruai kawi tumnaah a puh. MPCC Treasurer chuan MNF flagship program - SEDP chungchang sawiin, kum 2018 inthlan dawnah MNF hotu ten an sawi nasa nia sawiin, an hotupa phei chuan Mizorama chhungkua zawng zawng (NLUP dawng tawh te pawh huam vekin) chhung tinin cheng nuai thum an dawn tur thu a sawi nasa tih a sawi a. Tun dinhmunah SEDP chu chhungkaw nuai khat leh singhnihin dawng tawha chhut a nih thu sawiin, first phase-ah chhungkaw 60000 hnenah Rs. 50,000 \heuh pek an nih tawh thu leh hei hi an tiam nuai 3 tanga chhuta za-a 16 chauh a nih thu a sawi. SEDP Second phase-ah chhungkaw 60000 hnen...

#ZabilianZ Oct 24 : Mizo Zaimi Inzawmkhawm (MZI) Gen. Hqrs. Zaipawl te chu a vawikhat nan YMA Inkhawmpui lian-ah an zai dawn a. Zaipawl member 15 leh MZI hruaitu engemawzatin tukin khan YMA Inkhawmpui lian neihna hmun tur Biate an pan. MZI Zaipawl te hi October ni 25 zanah an zai ang. YMA Inkhawmpui lian hi October ni 24-26 chhungin Mizorama khaw fai ber Biate-in a thleng dawn a. YMA Inkhawmpui lian hmanna tur 'Zialung Run' chu nizan khan Pastor V. Lalsiamthara'n Pathian hnenah tawngtaiin a hlan. Kumina YMA Inkhawmpui lian hi Churachandpur, Manipur-a neih tura ruahman ni mahse, Manipur buaina avangin YMA Inkhawmpui lian hi an thleng thei dawn ta lova, Central YMA ruahmannain Biate Branch YMA-in a thleng dawn ta a ni.

#ZabilianZ Oct 23: Kumina Mizoram MLA inthlan chuh tuma hming pe, inhnukdawk leh duh te tana inhnuhdawh leh theihna hun hawn chu vawiin tlai dar 3 khan a tawp a, Candidate 174 zingah inhnukdawk an awm lo. Kumina Mizoram MLA inthlan lo awm tura candidate 174 zingah hmeichhe candidate 16 awmin, bial 18-ah an ding a. Independent candidate 27 an awm bawk. Rorellai Mizo National Front (MNF) bakah Indian National Congress (INC) leh Zoram Peoples's Movement (ZPM) ten bial awm zawng zawng bial 40 an chuh kim dawn a. Bharatiya Janata Party (BJP)-in bial 23 chuhin, Aam Aadmi Party (AAP)-in bial 4 an chuh dawn bawk a ni.

#ZabilianZ Oct 22: Nimin (Inrinni) khan KTP leh YMA branch hrang hrangin damdawi in hrang hrangin a tula an hman atan thisen unit 210 an pe. KTP, Mission Veng branch-in ZMC, Falkawn-in a tula a hman atan thisen unit 78 an pe a, thisen petu mipa 63 leh hmeichhia 15 an ni. KTP, Upper Republic branch-in Civil Hospital, Aizawl-in a tula a hman turin unit 34 an pe a, thisen petu mipa 29 leh hmeichhia 5 an ni. KTP, Thakthing Veng branch pawhin Civil Hospital, Aizawl-in a tula a hman atan unit 21 an pe a, thisen petu mipa 17 leh hmeichhia 4 an ni. KTP, College Veng branch, Aizawl-in Synod Hospital, Durtlang-in a tula a hman turin unit 27 an pe a, thisen petu mipa 22 leh hmeichhia 5 an ni. KTP, Serchhip Vengchung branch pawhin Serchhip District Hospital-in a tula a hman turin unit 32 an pe a, thisen petu mipa 21 leh hmeichhia 11 an ni. YMA, Electric Veng branch, Kolasib pawhin nimin vek khan Kolasib District Hospital-in a tula a hman turin unit 18 an pe a, thisen petu mipa 8 leh hmeichhia 10 a...

#ZabilianZ Oct 21: Aizawl North II biala MNF Candidate Vanlalsawma'n "Mi hausa ka ni lova, mi ropui pawh ka ni hek lo, mi naran mai ka ni" tiin, bial mipuite hruaitu leh hotu tur ni lovin, an aiawh tura penchhuak a nih thu a sawi. Aizawl North II biala Ramthar Veng Unit I MNF buatsaih Street Campaign leh Campaign Office hawnnaah he thu hi vawiin khan he biala MNF Candidate Vanlalsawma chuan a sawi a. Bial mipui tana theihtawp chhuaha, an hma hruaia, an hnungdawl tur leh nawr ngai na taka nawr tlat tur tein a intiam. Vanlalawma chuan bial mipuite chu “Engtik lai pawhin in ban phakah ka awm reng anga, in tan tlanchhe lovin, theihtawp ka chhuah dawn" a ti a. MLA inthlan lo awm tura mipui tana rawngbawl hna a thawh theihna remchang siamsaka, vote tling ngei turin bial mipuite a ngen a ni. He hun hmanpuitu MNF party General Secretary VL Krosshnehzova pawhin thusawiin, an sorkar chhunga harsatna chi hrang hrang thleng te chu opposition party ten hai derin  harsatna tawk lo...

#ZabilianZ Oct 21: Hachhek Constituency Development Committee (HCDC) Chairman Lalvansanga Pautu-in Hachhek bial thalai te chu MLA inthlanpui lo awm turah bial tana an mi awh leh duh ngei thlang ngam turin a chah. HCDC leh HOFPAR Business Solution tangkawpin vawiina HYVE Aizawl City Hall-a Hachhek thalai leh zirlai bakah, hnathawka Aizawla awm te tana Hachhek Youth Meet an buatsaihah he thu hi HCDC Chairman chuan a sawi a. Hachhek thalaite chu Zoram khawvelah pawh an nep bik lo tih sawiin, MLA inthlanpui lo awm turah bial tana an mi awh leh duh ngei thlang ngam turin a chah a ni. "Thenkhat chuan seat chuh kim nan mai mai min hmang ang tih a hlauhawm" tiin, HCDC Chairman chuan Hachhek mipuite buma an awm a hlauhawm thu a sawi a. Mi dik leh tha thlang ngam tura kalkhawmte chahin, mahni khua theuha vote thlak tura an haw hunah pawh an duhthlanna thianghlim tak hmanga vote thlak turin a sawm bawk. Hachhek Youth Meet-ah hian Hachhek bial mi kawng hrang hranga hlawhtling ten thupui ...

#ZabilianZ Oct 21: South Tuipui biala MNF Candidate Dr. R. Lalthangliana'n an chhungkua chu sum tuak belh ngai tawh lo, dam chhung ei tur nei tawh an ni nia sawiin, thlan tlin leh a nih chuan bial mipui leh Zoram mipui tan a theihna zawng zawng hmangin a thawk dawn niin a sawi. Muallianpui khuaa MNF campaign office a hawnnaah he thu hi vawiin khan Dr. R. Lalthangliana chuan a sawi a. An chhungkaw tan engmah intuak belh a ngai tawh lo nia sawiin, "keimah min vote hian nangmahni in in vote a ni", a ti. Dr R Lalthangliana chuan "Hnahthial bial tihhmasawnna tur nimin lawkah SASCI sum Rs. nuai 500 finance department lamin an sanction fel tawh" a ti a. Kawlphetha lama harsatna sukiang tura Power Sub-Station dinna tur pawh peihfel a ni tawh niin a sawi. District-in a kentel - DTO office tih loh department dang zawng zawng chu Hnahthial district-ah bun fel vek tawh a nih thu Dr R Lalthangliana chuan a sawi a. MNF a sorkar leh a nih chuan department zawng zawng te a nih ...

#ZabilianZ Oct 21: Tunhnaia Assembly Speaker atanga banga BJP zawm ta Lalrinliana Sailo-in MLA inthlan lo awm turah thlan tlin a nih chuan "Aizawl leh Mamit-ah Bru House kan sa anga, Eklavya School kan hawng bawk ang, hemi atan hian Central Minister pawhin min thlawp thlap a ni" a ti. Mamit biala BJP candidate Lalrinliana Sailo chuan vawiin khan Mamit bial chhunga awm Nalzawl khuaa vantlang inkhawmah he thu hi a sawi a. An thusawi te nemnghet turin tun thla ni 30-ah Prime Minister Narendra Modi-a'n Mamit tlawh dawn niin a sawi. Lalrinliana Sailo chuan Nalzawl khaw kawng chhe lutuk mak a tih thu sawiin, a rinphak baka chhia a nih tuh a sawi a. "Min thlang tling a nih chuan in khaw kawng hi thla 6 chhungin ka tender nghal ang" tiin, "Hetiang khawpa sorkarin a lo hnuchhawn che u hi a mak ka ti hle a ni, bial ka lo enkawl tawhah chuan an khaw kawng ka blacktop vek" a ti. Hmasâwnna hrang hrang awm thei ten mirethei te a thlen phâk theihna turin hma a la daw...

#ZabilianZ  Oct 21: Mizo Zaimi Inzawmkhawm (MZI) leh Mizoram Choral Conductors Assn. (MCCA)-in vawiin khan Aijal Club-ah Zaipawl hrang hrang enkawl thin te pualin seminar an buatsaih a. Dr. Henry Lalmawizuala leh Dr. Steven L Ralte te resource person an ni. 'Cultivat ing excellence building and leading a dynamic choral team' tih thupui hmanga seminar hi chawhma dar 10-ah tanin, nilenga neih a ni a. Chawhma lam hun chu MCCA Vice President Lalpiangliana'n kaihhruaiin, MZI President Er. Lalrothanga'n inlawmna thu a sawi a. Chawhnu lam hun chu MZI-a zaipawl sub-committee Chairman Chhawra Khiangte-in a kaihruai ve thung. Resource person ten thupui then hrang hrang an buatsaih zirhovin sawihona leh zawhna leh chhanna hun te an hmang a ni. Resource person pahnih zinga pakhat zawk Dr. Henry Lalmawizuala hi rimawi lama thiamna sang nei, zai leh rimawi lam hawi thu tam tak ziak tawh leh paper pawh present fo tawh a ni a. Zaipawl lama tawnhriat leh sulhnu nei tha tak niin, Bible...

#ZabilianZ Oct 20: Mizo Zaimi Inzawmkhawm (MZI) leh Mizoram Choral Conductors Assn. (MCCA)-in Aijal Club-ah Zaipawl hrang hrang enkawl thin te pualin seminar an buatsaih dawn a. Dr. Henry Lalmawizuala leh Dr. Steven L Ralte te resource person an ni ang. 'Cultivating excellence building and leading a dynamic choral team' tih thupui hmanga seminar hi naktuk chawhma dar 10-ah Aijal Club-ah tanin, nilenga neih tura ruhman a ni a. Chawhma lamah MCCA Vice President Lalpiangliana'n a kaihhruai ang a, chawhnu lamah  MZI-a zaipawl sub-committee Chairman Chhawra Khiangte-in a kaihruai thung ang. Thupui then hrang hrang zirhovin sawihona leh zawhna leh chhanna hun te an hmang ho dawn a ni. Resource person tur Dr. Henry Lalmawizuala hi rimawi lama thiamna sang nei, zai leh rimawi lam hawi thu tam tak ziak tawh leh paper pawh present fo tawh a ni a. Zaipawl lama tawnhriat leh sulhnu nei tha tak niin, Bible Society zaipawl BESY Choir-ah 2001-2004 chhungin member a ni a, 2005-2010 thlengi...

#ZabilianZ Oct 19: MLA inthlan atana inbuatsaihna a kal chho zel a. Vawiin thleng khan Mizoram MLA inthlan chuh tum mi 117-in hming an pelut tawh. Mizoram MLA inthlan chuh tur te tan tun thla ni 20 thleng hming pekluh theih a ni dawn a. Hming pekluh te chu tun thla ni 21-ah endik a ni ang a, inhnukdawk leh duh te tan tun thla ni 23 thleng inhnuhdawh theih a ni ang.

#ZabilianZ Oct 18: Lengteng bialtu MLA nilai, inthlan lo awm tura he biala MNF candidate ni bawk Dr. L. Thangmawia'n Ngopa-a Inter-border trade siamna turin Rs. nuai 600 leh NABARD atangin Rs. nuai 800 tihfel a ni tawh niin a sawi. Ngopa-a MNF campaign office a hawnna ah he thu hi vawiin khan L. Thangmawia chuan a sawi a. Tuntum hi Lengteng bialah vawi 4 a dinna tur nih thu sawiin, MLA a nih chhungin an tihnat emaw, an duh loh zawng tih a nei emaw a nih chuan mipuite ngaihdamna a dil. L. Thangmawia chuan Ngopa-a KLTM High School chu MLA fund atangtea a theih ang anga a puih thu sawiin, an thlang tling leh a nih chuan KLTM HS building thar pawh kum 3 chhunga an sak zawh hman tur thu a sawi a. Ngopa-a BDO office building sakna tur Rs. nuai 207 a fel tawh thu a sawi bawk. MLA a nih chhungin Ngopa Welfare nen an thawkho tha hle nia sawiin, Saitual - Saichal road laih a nih thu te, Lengteng biala a hmasaber tura Science leh Commerce zirna a awm tak thu te a sawi a. Ngopa-ah Sub-centre l...

#ZabilianZ Oct 18: MLA inthlan chuh turin vawiin khan mi 19-in Returning Officer (RO) hnenah hming an pelut leh a. Mizoram MLA inthlan chuh tura hming pelut tawh zawng zawng mi 23 an ni. Kumina MLA inthlan chuh tura vawiina hming pelut te hi - Aizawl district-ah 7; Lunglei district-ah 4; Serchhip district-ah 3; Kolasib district-ah 2; Khawzawl district leh Saitual district-ah 1 ve ve an ni.

 #ZabilianZ Oct 18: Mizoram MLA inthlan lo awm turah BJP-in MLA bial 40 awmah bial 12-a an candidate tur an puan hnu ah bial 9-a an candidate tur an puan chhunzawm nghal a, bial dang pawh an la puan belh zel dawn nia thu dawn a ni. BJP-in candidate an puan belh leh te hi - Tuiral bial - F. Vanhmingthanga; Kolasib bial - R. Lalthangliana; Tuivawl bial - Judy Zohmingliani; Chalfilh bial - Dr. Zonuntluanga; aizawl North III bial - Chawnghmingthanga; Aizawl South I bial - F. Lalremsangi; Lengteng bial - B. Suanzalang; Serchhip bial - K. Vanlalruati leh Lunglei South bial - T. Biaksailova te an ni. BJP hian bial 21-a an candidate tur te an puang ta a.  Tarlan tawh angin Assembly Speaker hlui, tunhnaia BJP zawm ta Lalrinliana Sailo chu Mamit bialah a ding dawn a. BJP Mizoram State President Vanlalhmuaka chu Dampa bialah a ding ang a, BJP Mizoram State General Secretary Malsawmtluanga chu Hachhek bialah a ding thung ang. MNF atanga BJP zawm ta, Minister hlui Dr K. Beichhua chu Siaha ...

#ZabilianZ Oct 18: Mizoram MLA inthlan lo awm turah BJP-in MLA bial 40 zinga bial 12-a an candidate tur vawiin khan an puang a, bial dang pawh an la puan belh leh dawn nia thudawn a ni. Bial 12-a candidate tur puan zingah Assembly Speaker hlui, tunhnaia BJP zawm ta Lalrinliana Sailo pawh telin, Mamit bialah a ding dawn. BJP Mizoram State President Vanlalhmuaka chu Dampa bialah a ding ang a, BJP Mizoram State General Secretary Malsawmtluanga chu Hachhek bialah a ding thung ang. MNF atanga BJP zawm ta, Minister hlui Dr K. Beichhua chu Siaha bialah a ding dawn bawk. BJP-in bial 12-a an candidate tur an puan te hi - Hachhek bial-ah Malsawmtluanga, Dampa bial-ah Vanlalhmuaka, Mamit bial-ah Lalrinliana Sailo, Serlui bial-ah Robinson Malsawmtluanga Hmar, Champhai North bial-ah PS Zatluanga , Hrangturzo bial-ah Lalmalsawma, Lunglei West bial-ah R. Lalbiaktluangi, Thorang bial-ah Shanti Bikash Chakma, West Tuipui bial-ah T. Lalengthanga, Tuichawng bial-ah Durjya Dhan Chakma, Siaha bial-ah Dr. K...

#ZabilianZ Oct 17: MLA inthlan lo awm tura Candidate ni turin vawiin khan mi pahnihin hming an pelut leh a. Vawiina hming pelut te hi Aizawl South III biala MNF Candidate F. Lalnunmawia leh Thorang biala INC Candidate Zodintluanga Ralte te an ni. Kumina MLA inthlan chuh turin nimin khan Hrangturzo biala Independent Candidate Dr. Zaichhawna Hlondo leh Lengteng biala MNF Candidate Dr. L.Thangmawia ten hming an pelut tawh bawk.  

#ZabilianZ Oct 17: PC Party țhalai, Aizawl West II Unit-in Aizawl West II biala MNF Candidate Lalruatkima an thlawp tur thu an sawi. Vawiin khan Aizawl Press Club-ah thuthar thehdarhtute kawmin he thu hi an sawi a. MNF Candidate Lalruatkima chu anmahni ang bawka ram vei mi, MZP, YMA leh political party ațanga ram tana inpe nia an hriat avanga thawp tur an nih thu an sawi. PC Party țhalai, Aizawl West II Unit hruaitute chuan Aizwwl West II biala MNF Candidate an thlawp avang hian PC party-in MNF a thlawp tihna erawh a nih loh thu an sawi a. Lalruatkima chu an bial hmasawnna zel na tura țha bera an hriat avanga thlawp tur an nih thu an sawi bawk. PC Party General Secretary PC Party țhalai, Aizawl West II Adviser ni bawk VL Țhazova chuan kumina MLA inthlan lo awm tur chu PC party chuan an chuh ve loh tur thu a sawi bawk a ni.

#ZabilianZ Oct 16: MLA inthlan lo awm tura Candidate ni turin mi pahnihin hming an pelut tawh. Hrangturzo biala Independent-a ding turin Dr. Zaichhawna Hlondo chuan vawiin khan hming a pelut a. Lengteng biala MNF Candidate ni turin Dr. L.Thangmawia'n vawiin vek khan hming a pelut tawh bawk.

#ZabilianZ Oct 16: Inrinni (October ni 14) chawhnu lama Tuipui Ferry, Lawngtlaia chesual Daniel V. Lalrinchhana (32), Lawngtlai Vengpui chu tukin dar 8:30 vel khan thi-a hmuh a ni. CYLA hruaitute chuan tui tla zawn dan tur ruahmanna an siam angin Tuidangchhuah, Kawlchaw leh Liapha Branch te zan riakin an duty tih an sawi a. YLA branch hrang hrang te inpeknaah lawmthu an sawi a. MTP ten an puihnaah lawmthu an sawi bawk. Lawngtlai Bawrhsap thar Joseph H. Lalramsanga pawhin nimin khan tui tla zawngtute hi an mamawh chi hrang hrang kengin a lo tlawh tawh a ni.

#ZabilianZ Oct 16: Lawngtlai Bawrhsap Joseph H. Lalramsanga'n nimin khan Inrinni (October ni 14) chawhnu lama Tuipui Ferry, Lawngtlaia chesual Daniel V. Lalrinchhana (32), Lawngtlai Vengpui zawngtu mitlawmngai te a tlawh a. Tui tla zawnna atana mamawh hrang hrang leh a tula hman tur sum te a kensak. Lawngtlai Bawrhsap chuan tui tla zawng tur leh vanduaina tawk chhung te hnema, a ṭul apiang ti tura mi tlawmngai thawkchhuakte chu lawmthu hrilhin, "Zo nun ze mawi chawinungtu, Mizo nih tinuamtute in ni" a ti a. Hmalak zelna turah harsatna a awm a nih chuan Bawrhsap Pisa chu an inhawng reng tih a hrilh bawk. Tui tla hi tukin lam thlengin hmuh a la ni lova, a zawngtute a tlawhnaah hian Bawrhsap hi Lawngtlai SP R. Lokeshwaran, Addl. DC Abrahma Beirazi Khithie leh DIPRO Hmingthanzuala ten an ṭawiawm a ni.

#ZabilianZ Oct 15: A thianpa tui tla chhan a tumna lamah kum 4 mi, Leo Lalchhuanmawia'n nunna a chan a, vawiin khan an chenna Sairang Venglai-ah vui a ni. Thudawnnain a sawi danin, nimin chawhnu lam khan Leo Lalchhuanmawia hi a thianpa kum 4 mi tho Jerome Vanlalhlua nen nen a in bul hnaia awm Swimming pool-ah an kal a. Jerome Vanlalhlua chu a chesual palh ta a, Leo Lalchhuanmawia chuan a thianpa chu chhan tumin pool-ah chuan a zuanglut ve a, an pahnih chuan an talbuai dun ta a ni. Naupang vanduaite hi an chhung ten ngaihvena an va hmuh chuan Jerome Vanlalhlua chu a lo lang a, Leo Lalchhuanmawia erawh a lo pil thung. Rang taka an pahniha la chhuakin, an nunna chhan tumin theihtawp chhuah mahsela, Leo Lalchhuanmawia zawk chu an chhan thei ta lo nia thudawn a ni bawk. 

#ZabilianZ Oct 15: MZP President kalchhuak Lalnunmawia Pautu-in MNF party a zawm dawn a, ruahman lawk ang chuan naktukah MNF President Zoramthanga'n a lawmlut ang. Lalnunmawia Pautu hian Mizo Zirlai Pawl (MZP)-ah chanvo pawimawh hrang hrang chelh tawhin, kum 2021-2023 chhungin President a ni a. A rual hian Hnahthial Hqrs. MZP President leh Serchhip Hqrs. MZP President te pawhin MNF party an zawm dawn nia thudawn a ni bawk.

#ZabilianZ Oct 15: Rahul Gandhi-a'n zankhat riakin Mizoram a tlawh dawn a. Ruahman lawk ang chuan naktukah Agartala, Tripura atangin Helicopter hmangin Aizawl a lo thleng ang a, Raj Bhavan hmar lam gate bula vantlang inkhawm neihna tur hmun chu Chanmari kawn atangin ke-in a pan ang. Rahul Gandhi hian 'Bharat Jodo Yatra' tia vuahin ram chhung hmun hrang hrang a tlawh mek a. Hmun hrang hrang a tlawhnaah hian ke-a thui tak tak kalin, mi chi hrang hrang hna chi hrang hrang thawk te a kawm kual thin a. Naktukah Aizawl lo thlengin, hmun danga a tih dan ang bawkin khawlai dungah ke-a kalin, vantlang inkhawm a neihna hmun tur a pan dawn. Ruahman lawk ang chuan chawhma dar 11-ah Chanmari kawn atangin Raj Bhavan hmar lam gate a pan ang a, vantlang inkhawm a neih hnuah tlai dar 5-ah zirlaite nen an inkawm ang. Hemi hnu hian a riah na tur Aijal Club-ah party hruaitute nen an inkawm ang a, a tuk October ni 17, 2023 chawhma dar 10:30-a thuthar thehdarhtute a kawm hnuah Lunglei panin, hem...

#ZabilianZ Oct 15: Chief Electoral Office, Mizoram hnuaia State Media Cell chu an Chairman, Addl. CEO H. Lianzela hovin nimin khan an thukhawm a. Addl. CEO chuan inthlan atana inbuatsaihna chak taka kalpui karah media leh publicity lamah tanlak zual a tul thu a sawi. Addl. CEO chuan mipuite vote thlak theuh tura zirtirna SVEEP campaign kaltlanga neih te chu ngaih pawimawh zual a tul thu a sawi a. Media kaltlanga mipuite hriat tur tul puanzar leh dan palzutna awm thei te enfiah reng a tul thu a sawi bawk. CEO hnuai State Media Cell thukhawm hian social media leh media monitoring response team atan Nodal Officer leh media assistant tur te an ruat a. Chanchinbumite tan October ni 25, 2023 ah Media sensitization workshop buatsaih ni se, tiin, SVEEP campaign kaltlanga hmalak dan tur te, young voters' club din dan tur te bakah media cell mawhphurhna leh hmalakna tur tul hrang hrang te an sawiho a ni.

#ZabilianZ Oct 15: KTP, Tuikhuahtlang branch-in nimin khan ZMC, Falkawn-in a tula a hman turin thisen unit 36 an pe a, thisen petu mipa 30 leh hmeichhia 6 a ni. Nimin vek khan KTP, Dawrpui Vengthar West branch pawhin Synod Hospital, Durtlang-in a tula a hman atan thisen unit 30 an pe a, thisen petu mipa 25 leh hmeichhia 5 an ni.

#ZabilianZ Oct. 12: ZPM Working President, MLA inthlan lo awm tura Aizawl North III biala ZPM Candidate tur ni bawk K Sapdanga'n "Election Commission of India-in inthlan hun atana November ni 7, 2023 a ruat chuan party dang te a tichiai a ni maithei a, ZPM party erawh chu min barakhaih lova, hei aia hnai hi ni se kan la duh zawk" a ti. Electric Veng, Aizawla ZPM Information Office a hawnna ah he thu hi vawiin khan K. Sapdanga chuan a sawi a. Aizawl North III biala party dang candidate tur te chu mi fel leh tha tak tak vek nia sawiin, bial tan pawha sulhnu chhuanawm tak tak nei te an nih thu a sawi. K. Sapdanga chuan "Keini hian corruption laka fihlim intiamin, party sorkar ni lo, kalphung thar mipui sorkar kan aupui a, hmaa mite sulhnu tha chhunzawm thei turin, mipuite khawngaih vote ka dil a ni,” a ti bawk.

#ZabilianZ Oct 12: A thianpa nunna chhan a tumna lama nunna chan ta Anthony Lalhruaizela, Pukzing, Mamit district hnenah vawiin khan huaisen chawimawina Jeevan Raksha Padak Award (posthomus) hlan a ni. Sorkar laipuia Ministry of Home Affairs-in mihuaisen, midang te nun chhan nana mahni nunna thapa che chhuakte chawimawina Jeevan Raksha Padak Award (posthomus) dawng tura a thlan Anthony Lalhruaizela chhung te hnenah he chawimawina hi vawiin khan Mamit Mamit Bawrhsap VL Remliana'n a hlan a. Chawimawina dawngtu chanchin a chhiar chhuak bawk. Cheng nuai 1 keng tel, huaisen chawimawina dawngtu Anthony Lalhruaizela hi Vanlalzapi, Pukzing, Mamit District fapa niin, kum 23 mi nia chatuan ram a pan thlengin Assam Regiment, 12th Assam 320 - Batch, 2017 ah a awm a. December ni 13, 2021 khan a thianpa, Tlawng luia chesual, kum 26 mi Lalmawipuia nunna chhan tuma a beihna lamah chesual palhin a thianpa chhan a tumna lamah a nunna a chan a ni. 

#ZabilianZ Oct. 12: Tun thla ni 9-11 chhunga New Delhi-a neih 10th National Level Exhibition & Project Competition-a Mizoram aiawha tel zinga zirlai pahnih - John Lalhruaitluanga, Sacred Heart School, Lunglei leh Lalhmingsangi, JNV Khawzawl ten Innovation in Science Pursuit for Inspired Research (INSPIRE) Awards MANAK (Million Minds Augmenting National Aspirations and Knowledge) an dawng. INSPIRE Awards MANAK hi sorkar laipuia Science & Technology Department flagship programme zinga mi niin, kum 2009 atang khan kalpui tan a ni a. Zirlai pawl 6 atanga pawl 10, kum 10 atanga kum 15 chin te tana ruahman a ni. National level-a inelnaah zawh takah hian India rama zirlai 441 an tel a, a ti tha zual 60 te chu National INSPIRE Awards MANAK chawimawina pek an ni a. Chawimawina dawng zing ami Lalhruaitluanga leh Lalhmingsangi te hi National Innovation Foundation (NIF)-in an model/exhibit-te a taka siamchhuak tur leh patent turin an bawhzuisak dawn niin sorkar thuchhuah chuan a tarlang a....

#ZabilianZ Oct 12: Congress Legislature Party (CLP) Leader Zodintluanga Ralte-in Mizoram leiba chungchanga mipui bum tumah Chief Minister Zoramthanga a puh. CLP Leader chuan vawiin khan Aizawl Press Club-ah thuthar thehdarhtute kawmin, Chief Minister Zoramthanga chu Mizoramin lei a bat tam luat avanga tehna diklo hmanga mipui bum tumah a puh a. "Mizo mipui min zah lovin, tunhma anga bum mai mai theihah mipuite min ngai niin ka hria, a rilru nat thlak takzet ka ti" a ti. Zodintluanga chuan "Khawvel leh India ramin leiba tam zawng tehna a nei a, chu chu state-in kan thawhchhuah (GSDP) atanga chhuta kan leiba percentage a ni" a ti a. "Reserve Bank of India data-a a chiang tawh (actual) hnuhnung berah chuan Mizoramin kan GSDP atanga chhutin leiba za-a 56.7 kan nei a, India rama leiba ngah ber kan ni" a ti. "Data hnunhnung ber, mahse, la danglam thei 2023 (budget estimate)-ah pawh GSDP atanga kan leiba tura chhut chu za-a 53.1 niin, India rama leiba ngah b...

#ZabilianZ Oct. 10: Aizawl District Election Officer, Aizawl Bawrhsap ni bawk Nazuk Kumar-i'n vawiin khan thuthar thehdarhtute kawmin, MLA inthlan lo awm turah Election Commission of India (ECI)-in political party leh candidate te plastic leh tawih theilo thil hmanga campaign lo tur leh environment tana him hmanrua chauh hmang tura a ngen thu a sawi. Aizawl Bawrhsap chuan "hriselna leh environment venhimna atan political party zawng zawng ten plastic hmanga siam campaign-na hmanrua (poster, banner, etc) siam lo turin hma an la tur a ni" a ti a. Hei hi zawm theuh turin political party zawng zawng te a ngen. DEO chuan Mizorama MLA inthlan lo awm turah EVM leh VVPATS te chu ECIL siam M3 model thar ber hman a nih tur thu leh first level checking (FLC) zawh a nih hnu ah EVM te chu strong room-a dahthat an nih tawh thu a sawi a. Mipuiin EVM/VVPAT hman dan an hmuha, an zir theih nan Aizawl Bawrhsap Pisa, BDO Aibawk leh BDO Darlawn office-ah te EVM demonstration centre siam a nih...

#ZabilianZ Oct 09: Election Commission of India (ECI)-in Mizorama MLA inthlan hun atan November ni 7, 2023 ruat a nih thu leh December ni 3, 2023-ah vote chhiar tur a nih thu vawiin khan a puang. Mizorama MLA inthlan lo awm tura chuh tum te tan October ni 20, 2023 thleng hming pekluh theih a ni ang a, hming pekluh te chu October ni 21, 2023-ah endik tur niin, inhnukdawk leh duh te tan October ni 23, 2023 thleng hun hawn a ni a. December ni 5, 2023 ah chuan inthlan kaihhnawih zo fel vek hman tura ruahman a ni. ECI-a Chief Election Commissioner Rajiv Kumar-a'n state 5 te inthlan hun tur vawiina a puan zawh hnuah Mizoram Chief Electoral Officer (CEO) Madhup Vyas pawhin vawiin vek khan I&PR Auditorium, Aizawl-ah thuthar thehdarhtute kawmin, MLA inthlan kaihhnawih mipui hriattur pawimawhte a sawi. Electoral Roll ennawn hnuhnungber, tun thla ni 4-a tlangzarh taka a lan danin Mizoramah voter 856868 (mipa 412969; hmeichhia 438925 leh service voter 4973) an awm.  Aizawl district-ah vote...

#ZabilianZ Oct 7: Vawiin khan Lengteng bial atanga HSLC distinction-a pass zirlai 8 te hnenah Smartphone leh HSSLC distinction-a pass zirlai 2 hnenah Laptop pek an ni a. First division-a pass, chhungkaw harsaa zirlai 23 leh Sialkal Range Development Council (SRDC) huam chhunga zirlai 22 te tanpuina sum hlan an ni bawk. Lengteng bial leh SRDC area-a zirlaite hnena thilpek hlanna hun Mizoram State Archive Conference Hall, Aizawla neih hi Pachhunga University College Principal Prof. H. Lalthanzara'n a hmanpui a. Board leh University mark te pawimawh viau mahse, zirlaite thluaka thiamna zawk a pawimawh tial tial nia sawiin, college-a thawk tur laknaah pawh mark aiin an thiamna zawk en thin a nih thu a sawi. Lengteng bialtu MLA, SRDC Chairman ni bawk Dr L. Thangmawia pawhin zirlai lawmpuina leh tanpuina dawng te a lawmpui thu sawiin, a bial chhunga zirlai ten zirna kawnga inelna thianghlim an neih beiseia Smartphone leh Laptop chu distinction-a pass chin te pek thin an nih thu a sawi a....