ZPM Working President-in ZPM leh BJP sawizawm thu diklo niin a sawi


#ZabilianZ Oct 30: ZPM party Working President K. Sapdanga'n ZPM leh BJP sawizawm an awm thin nia sawin, thu diklo a nih thu a sawi a. "BJP nena sorkar siam tumah min puh a, May 17, 2023-a Headquarters Executive Committee chuan BJP nen thawhho kan tum loh thu resolution kan lo siam tawh" a ti.

ZPM party chhung inkhawma vawiina neihah he thu hi K. Sapdanga chuan a sawi a. Eng ang pawhin BJP nena sorkar siam tuma puh ni mahse, a puhtute pawhin an awih lo nia sawiin, BJP pawhin an awih lo niin a sawi.

Sorkar inring lo ten sorkar intawm a awm dawn lo nia sawiin, party mal sorkar siam phak an awm loh tur thu an vawrhdarh niin K. Sapdanga chuan a sawi a. Inthlan dawna thli nei apiangin majority sorkar an din thin zawk niin a sawi.

ZPM Working President chuan party hlun pahnih ten nasa takin an beihrawn nia sawiin, "kan hotupa Pu Duhoma sawichhiatna atan press conference te an ko hial a, MLA fund eiruah rinthuin an puh a, a eiruk loh zia finfiahna kan hmu nghal" a ti a. "A thusawi tluantling lova tan chhumin, a sawi tum loh an thehdarhsak a, hetiang taka inbeihna hi UT kan nih atang tawhin a la thleng ngai pawhin ka hre lo" a ti.

Sorkar dinglai chu a thutiam taka hlawhchhamah puhin, K. Sapdanga chuan "Mau policy-ah Rs. vbc 6.48 hman ral a nih hnuah an ngawihsan a, Rs. nuai 3 sem an hlawhchham a, CM-in nuai thum sem a tiam laiin, Minister pakhat chuan nuai thum sem an tiam loh thu a sawi ve leh a, eng ber nge awih tur hriat a har hle" a ti a. "PAHOSS a hlawhchham a, mihausate insakna tur pekbelhna mai niin, PAHOSS in kawtah traffic a jam luih luih mai a ni" a ti.

"Kawng chhawng hmel kan la hmu lova, kan CM-in May 2019 atanga AR-te insawn chhuak tawh tura a sawi tun thlengin an la insawn lova, Health Care policy-a sum luan ral tam zia leh a hlawhchham chian zia mi tinin kan hria" K. Sapdanga chuan a ti bawk.

ZPM Working President chuan, ZPM candidate te chu corruption laka fihlim tura an intiam thu sawiin, corruption tel lova fim taka ram an kaihruai turin an Leader chu an ring tawk niin a sawi bawk a ni. 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more