A thusawi tura duan sa sawi zo thei lovin Health Minister a chau, ngaihtuahawm erawh a ni lo


#ZabilianZ Aug 15: Vawiina Lawngtlai-a Independence Day hmanpuitu Minister Pi Lalrinpuii chu a thusawi tura ruahman sa sawi zo thei lovin a chau a, ngaihtuahawm erawh a ni lo nia thudawn a ni.

Lawngtlai atanga thudawnnain a sawi danin Pi Lalrinpuii hi thu a sawi laiin taksa lam harsatna avangin thu sawi zawm thei lovin a chau a. Doctor ten an enfiah hnuah chawl hahdam rih tura an rawn angin, chawl hahdam turin Circuit House lam a pan a ni.

Lawngtlai-ah hian tukin dar 8 khan Central YLA khelmual-ah India Independence Day lawmna hun buatsaih niin, Health Minister Pi Lalrinpuii'n a hmanpui a. Minister thusawi tura ruahman sa hi a thui hle niin thudawnna pakhat chuan a sawi a. Engemawchen a sawi hman a, taksa lam chaklohna avangin a thusawi tura ruahman sa chu a sawi zo thei ta lo niin thudawnna chuan a sawi.#zabilianz

Health Minister chuan India ramin zalênna a neihna tûrin mi tam takin an nunna hlu tak an hlan a, an finna, thiamna leh theihna zawng zawng hlanin, an thatlai hun pawh tân in ah te an hmang tih a sawi a. "Thangtharte hian zalênna sualtute inpumpêknate, mahni hmasial lova an beihna zawng zawngte  zah ila; vawiin hun hi anmahni avânga thleng thei kan ni tih i hre thar leh ang u" a ti.

Zalênna chu hmasâwnna rahbi pawimawh tak a nih thu Health Minister chuan sawiin, zalenna chuan mawhphurna pawh a keng tel tih hriat a tul thu a sawi a. "Democracy lungphum veng him tur te, kan sakhaw zalenna vawnghim tur leh thil dang tam taka khua leh tui tha kan nih theihna tur atana kan mawhphurhna hlen chhuah i tum theuh ang u" tiin Independence Day lawm tura kalkhawm te chu a sawm a ni.#zabilianz

Mizoram sorkârin kawng hrang hrangin hmasâwnna hna tam tak a thawk mêk tih sawiin, Pi Lalrinpuii chuan Lawngtlai district-ah pawh sorkârin hmasâwnna a kalpui mêk zêl tih a sawi a. Sorkar tha taka thawhpui tur leh ram leh hnam tana theitawp chhuah zel turin Lawngtlai mipuite a sawm a. Hmasawnna tura sorkar hmalakna hrang hrang te a sawi bawk.

Lawngtlaia Independence Day lawmnaah hian parade contingent 22 - Armed  contingent -1, unarmed contingent- 7 leh school contingent -14 awm tel a. Lawngtlai district mi, kumina HSSLC exam-a 5-na Suchismita Ghosh, 6-na F. Lalneihpuii leh 9-n a Elizabeth Laltuanpuii te hnenah lawmman pek niin, Independence Day puala Badminton tournament lawmman sem a ni bawk a. Lawngtlaia damdawi in pathum – District Hospital Lawngtlai, Lairam Christian Medical Centre & Hospital leh Christian Hospital Lawngtlai te bakah Lairam Motherless Home, District Jail, Lairam Rescue Centre leh Gilead Drop-In Centre-ah te Independence Day pual ṭanpuina thilpek hlan a ni bawk a ni.#zabilianz #zabilianznews #zofatehuapzo 

Comments

Post a Comment

Popular posts from this blog

Lengpui-ah Myanmar Sipai thlawhna chesual

Image
#ZabilianZ Jan 23: Myanmar sipai, Mizorama tlanchhiate rawn hruai tur Myanmar Sipai thlawhna chu vawiin khan Lengpui Airport ah a chesual a, nunna chan an awm lo. Thudawnnain a sawi danin, pilot leh thawktu dang mi 14  chuanna Myanmar sipai thlawhna hi a rawn țum hnu lawkah runway-a a tlan laiin a kawi thut a, a tlan liam ta a ni.  Myanmar sipai thlawhna chesualah hian nunna chan an awm lova, hliam na deuh mi 4 leh hliam na vak lo mi 4 te chu Lengpui damdawi in panpui an nih thu thudawnna chuan a sawi bawk.
Read more

MNF leh Congress Candidate intawm atan Lalrinfeli - chhinchhiahna atan mipa leh hmeichhe inkai

Image
#ZabilianZ Aug 05: Aizawl Municipal Corporation (AMC) Ward VI bye-election lo awm turah AMC-a rorellai MNF leh Congress party an thawkdun dawn a, he ward bialtu Corporator, chatuan ram pan ta John Zosangliana Ralte nupui Lalrinfeli (Mafeli), Chanmari West chu an candidate ințawm a nih tur thu zanin khan an puang a. A chhinchhiahna tur chu mipa leh hmeichhe inkai lai lem a ni ang. MNF leh Congress party candidate ințawm hi zanin khan Indoor Stadium hall, Chanmari West-ah MPCC Vice President, Minister hlui RL Valla"n puangin, campaign khuhhawnna hun a hmang nghal a. MNF Vice President, MLA ni bawk Lalchhandama Ralte leh MPCC Vice President, MLA ni bawk C Ngunlianchunga ten thu an sawi bawk.#zabilianz AMC Ward VI (Chanmari West, Hunthar Veng leh Edenthar Veng) bialtu Corporator John Zosangliana Ralte chuan kumin March 21 khan chatuan ram a pan avanga a hmun ruak hnawhkhat tura bye-election hi buatsaih tur a ni a. Bye-election hi tun thla ni 22-ah neih a ni ang. AMC Ward VI bye-electi
Read more

RO hmaah Lalramdingngheti koh a ni - ngaihdam dilin thupha a chawi

Image
#ZabilianZ Nov 03: Mamit biala Independent Candidate Lalramdingngheti chu tunhnaia video viral chungchangah Returning Officer V.L. Remliana hma-a insawifiah tura koh niin, nimin tlai khan RO office-ah a inlan. Lalramdingngheti hi Bru hnamte hnena a thusawi chungchangah hnam leh hnam inkara inunauna tichhe thei zawnga ngaih theih a awm avang leh Model Code of Conduct bawhchhiat theihna a nih avangin November ni 4, 2023 hma ngeia insawifiah tura koh a ni a. Nimin tlai lamah khan RO chu hmuin a thusawi chungchangah a insawifiah a ni. Bru hnam zinga a thusawi chu chi leh chi, hnam leh hnam inkara inhmelmakna leh inunauna tichhe tur lam hawi zawng a sawi a nih loh thu Lalramdingngheti chuan sawiin, Pathianin Bru hnam te hnenah Israel thlahte an nihna hrilhhre tura a tih a hrilhna lamah sawi loh tur a lo sawi tel palh niin a sawi a. RO hnenah hian ngaihdam dilin, thupha a chawi bawk. Mamit bial RO V.L Remliana chuan tunhnuah hnam thila inlaichinna tichhe thei zawnga thu sawi tawhlo turin Lal
Read more