Executive Corporator-in a bialah SLS a sem

#ZabilianZ Aug 31: Vawiin khan AMC Ward IX bialtu, Executive Corporator B. Lalawmpuii'n a biala vengtin Local Council hruaitute hnenah Solar Lighting System (SLS) 170 a hlan a. SlS hi Local Council-in an veng țheuha a dawng awm mi an thlan te hnenah an hlan ve leh ang.

B Lalawmpuii chuan "Tunlai hian duhthusama current eng a ṭhat loh avangin SLS hi inverter nei lo, miharsa zawk te hnena sem a ṭul ka ti a ni," a ti a. Zirlai harsa zawk te leh mahni In-a eizawnna kalpui ten ṭangkai taka an hman chu a duh dan a nih thu sawiin, chumi hre reng chunga a dawng awm mi, a mamawhtu tak hnena pe turin Local Council hruaitute chu a chah bawk.

A biala Local Council hruaitu kalkhawm te chu bawlhhlawh paih dan dinhmun te Executive Corporator chuan a zawt a. Tuithiang, Saron, Dawrpui leh Chhinga Veng Local Council hruaitute chuan bawlhhlawh paih kawnga harsatna an tawh rih loh thu bialtu Corporator hi an hrilh hlawm.#zabilianz

B.  Lalawmpuii chuan a biala bawlhhlawh paih dana harsatna a awm lo chu lawmawm a tih thu leh hemi kawnga Local Council te hmalakna lawmawm a tih thu a sawi a. Mahni veng ṭheuhah theihtawpa ṭan la zel tur leh faina kawngah ṭan la zel turin a sawm nghal bawk

Executive Corporator chuan AMC aṭanga building permission pek chhuah ten an permit anga an sak leh sak loh pawh lo enpui ṭhin turin LC te chu a ngen a. Permit nei lova In sa an awm chuan AMC-ah a rang lama report tura chahin, ”Building Regulation felfai taka kalpui a nih zel theih nan Local council leh AMC kan thawhho zel a ngai a ni“ a ti.

Vawk vulh leh vawk talh chungchangah pawh Ward chhungah hmalakna tur tam tak a awm thu sawiin, ward chhunga hmalaknaah Local Council member te chu thawhhopuiah a sawm a; Ward chhunga Local Council te nen thawhhona ṭha tak an nei țhin nia sawiin, lawmawm a tih thu a sawi bawk a ni.#zabilianz #zabilianznews #zofatehuapzo