#ZabilianZ Apr 12: Chief Minister Lalduhoma'n Tanhril-ah Bru House-cum-Hostel sak a nih tur thu leh a sakna tur sum pawh a awm tawh thu a sawi.
Bru Student Association (BSA), Gen. Headquarters, Aizawl bultuma Vanapa Hall, Aizawla Bru kum thar Kut, Boisu a hmanpuina ah Chief Minister chuan a sawi a. Bru House-cum-Hostel chungchang chu BSA hruaitu ten amah an hmuh apianga an sawi thin a nih thu sawiin, reilote-ah hna tan thuai an tum niin a sawi bawk.
Chief Minister chuan, Mizoramah hnam peng hrang hrang inngeih taka khawsaho thin chuan ram a timawiin, a tinuam niin a sawi a. "India ramah mahni hnam zia leh tih dan tha te chawinung turin zalenna kan nei, mahni hnam zia leh kalphung chawilar duh luat avanga hnamdang tih dan ngaihtheihloh erawh chu thil dik a ni thei lo" a ti.#zabilianz
Midang ngaitheihlohna lam chi reng reng chu tha lo tih Chief Minister chuan sawiin, "Hnam anga inhnuaichhiahna te, sakhua ang zawnga inbeihna te a awm thiang lo. Ralthuam leka inlakhran tumna lam phei chu a awm kan remti lo bur" a ti.
Mizoram mi chuan Mizoram thatna tur a ngaihtuah reng thin tur a nih thu sawiin, Chief Minister chuan "Khua leh tui tha, ram hmangaihtu dik te chuan kan phak tawka ram tana kan tih ve theih te kan ngaihven reng tur a ni" a ti bawk.#zabilianz #zabilianznews #zofatehuapzo
0 Comments