#ZabilianZ May 05: MPCC President Lal Thanzara'n MNF leh ZPM chu BJP mawngzawmpuiah puhin, "Inthlan dawna hausa thut party leh kristian sakhua dodala nuai chimih tumtu BJP mawmgzawmtu MNF leh ZPM hnuaiah Mizoramin chunglam malsawmna beisei ngam chi a ni lo, a ti.
Khawlian, Phullen leh Phuaibuang khuaa te a tlawhnaah he thu hi MPCC President chuan a sawi a. "Enchhin sawrkar-in BJP laka an intiamna an tihhlawhtlin ngam leh si loh avangin BJP-in Mizorama enchhin sawrkar a hrek mek" tiin, "Mizoramin sum harsatna namenlo kan tawk mek a, a theih leh a rem dan danin mipui dahkhamin sawrkar chu pawisa pukin an hmanhlel mek a ni" a ti bawk.
Lal Thanzara chuan "ZPM-in an intiam angin Sawhthing an lei lova, hmunphiah pawh an lei lova, an hlawhchham" a ti a. "Politics hi lal duh avanga midang tihbeidawnna tur intiamna tur a ni lo" tiin, sawrkar kal mekah kuthnathawktute lungngaiin an rum mek niin a sawi.#zabilianznews
Sawrkarin thlai rate a tichhia nia sawiin, MPCC President chuan "vaiho kutah loh theihlohna avangin pawisa tlem te in an hralh mek a, a lungchhiat thlak hle" a ti a. Congress chuan ram mipuite tana an au hla zawng zawng an tihlawhtling vek nia sawiin, Congress party intiamna NLUP-in Mizoram mipui dinhmun a tha zawngin a her danglam niin a sawi.
MPCC President chuan "MNF-in intiamna an nei a, an sawrkar a, tute hnenah mah an au hla, tanpuina an tihsak hriat tur a awm lo" a ti a. MNF sawrkar kaltaah hnam sipaite aiin Kamrula a lar zawk niin a sawi bawk.#zabilianz #zabilianznews #zofatehuapzo
0 Comments