#ZabilianZ May 01: Chief Minister Lalduhoma'n e-office kalpui tuma an inpuahchah mek thu sawiin, sawrkar hnathawkte an intuaihriam ve reng a tul thu a sawi a. Contract inpek kawngah miin a duhsak zawng ringawt a pek thin loh na tura integrity pact an siam thu leh zawm vek tum tur a nih thu a sawi.
Environment, Forest & Climate Change Department hmalakna thlirletna hun a hmanpuinaah he thu hi vawiin khan Chief Minister chuan a sawi a. Sawrkarah aikal la an awm tawh loh an beisei thu leh an la awm a nih chuan action lak nghal tur a nih thu pawh sawiin, "hun kan inpe rei tawk tawh" a ti.
Biometric attendance tha taka kalpui an duh thu pawh Chief Minister chuan sawiin, sawrkar hnathawk ten hun an vawng dikin an hlawh phuin hna an thawk tur a nih thu a sawi a. Service review committee pawhin hna an thawh tawh hlawm an beisei thu leh chhawr tlak ngang loh hnathawktu chu special pension pek mai tur a nih thu a sawi.#zabilianznews
Chief Minister chuan "Officer thenkhat sawrkar facilities mahni kawl theih chin (entitled) bak lo kawl an la awm chuan, kan sawi tawh thin angin lo kir vek se a finthlak ang" a ti bawk.
Hmasawnna hnathawh dawnah forest clearance hi lak zel a ngaih avangin, hmasawnna hnathawh chak taka kalpui a nih theih na tura lo tanpui thin turin Forest Deptt hotute chu Chief Minister chuan a ngen a. "Kan ram hian hmasawnna hmel thar hi hmu thuai thuai se kan duh a ni" a ti.#zabilianznews
Project reng reng Planning department hriatpui lova kalpui an rem tih loh thu pawh Chief Minister chuan sawiin, Planning department-ah thlen zel tur a nih thu a sawi a. "Department ten inhretawn lova project inang tak tak te, inhnaih tak tak te kan kalpui hian ramin a hlawkpui tur angin a hlawkpui loh phah thei" a ti bawk.#zabilianz #zabilianznews #zofatehuapzo
Project reng reng Planning department hriatpui lova kalpui an rem tih loh thu Chief Minister chuan sawiin, Planning department-ah thlen zel tur a nih thu a sawi a. "Department ten inhre tawn lova project inang tak tak te, inhnaih tak tak te kan kalpui hian ramin a hlawkpui tur angin a hlawkpui loh phah thei" a ti bawk.
0 Comments