#ZabilianZ June 30: BJP Mizoram state President thar Dr. K. Beichhua-a'n BJP chu miretheite thleng phak, miretheite hrethiam, miretheite chawikan duh tak taktu ni a sawi a. Mizoram mipuite chu BJP kaltlanga Mizoramin hmasawnna a hmuh theihna tura BJP chu zirchianga zawm ve turin a sawm.
BJP Mizoram State President thar atana thlan a nih thu puan a nih hnuah he thu hi vawiin khan Mizoram state BJP Office, Aizawl-ah Dr. K. Beichhua chuan a sawi a. BJP-a an awm chhan chu Mizoram mipui mamawh hmasawnna thlentir a nih thu sawiin, district tin hmasawnna tura ruahmanna an siam tur thu a sawi.
BJP Mizoram Preident thar chuan President kalchhuak Vanlalhmuaka leh hruaitu dang te kawng sut en sa ah President a ni tur chu lawmawm a tih rualin, huphurhawm tih thu a sawi a. Mizoram hmangaihtu BJP member te thlawpna hnuaiah theihtawp chhuah a tum thu a sawi bawk.#zabilianznews
Preisdent kalchhuak Vanlalhmuaka pawhin President thar tha tak an nei nia sawiin, lawmawm a tih thu a sawi a. BJP Mizoram state President thar Dr K. Beichhua chu Mizoram-ah hmasawnna a thlen theihna tura theihtawpa thawhpui tur an nih thu sawiin, an party chakna chuan Mizoram hmasawnna a ken tel dawn avangin BJP member te chuan lungrual taka an thlawp a ngai niin a sawi.
BJP chuan tu te mah chi leh hnam anga thliar hranna a nei ngai lo nia sawiin, sakhuana ang zawng pawhin inthliarna a nei ngai lo niin Vanlalhmuaka chuan a sawi a. Congress party-ah chuan hnam hnuaihnung zawk anga lang te tan hmun tha a awm ngai lo niin a sawi.#zabilianznews
BJP thil tum chu retheihna um bova, midang tana hnathawha, hmasawnna thlen tir a nih thu Vanlalhmuaka chuan a sawi a. BJP Mizoram State President Dr. K. Beichhua chu thlawp tlat turin party mi te chu a sawm bawk.
0 Comments