#ZabilianZ June 28: India rama electric two-wheeler siamtu lian Ather Energy Ltd-in Aizawl-ah Mizo Warp Club din a nih thu vawiin khan a puang a. Hei hi Mizorama an customer-te nena an inzawmna a that leh zualna tura tih a nih thu an sawi.
Ather hotute chuan hmarchhak bial-ah outlet thar 5 an hawn belh thu pawh an sawi a. Hmarchhak bial chu Ather tan sumdawnna tha tak nia sawiin, Mizoram chu hmarchhak bialah electric vehicle (EV) hman kawnga hmahruaitu a nih thu leh EV lakluh tam berna state niin an sawi bawk.#zabilianznews
Mizoram leh hmarchhak zau zawkah thla leh lamah Ather Grids (fast charger) 60 dah an tum thu pawh an sawi a. Mizoram leh NE state danga an customer te tan thil dangah pawh ruahmanna tha tak an siam niin an sawi.
Ather chu ram chhunga EV charging infrastructure lian ber nia sawiin, fast charging grids sangli chuang an nei niin an sawi a, company-in thlatin a belhchhah chho zel niin an sawi bawk ni.#zabilianz #zabilianznews #zofatehuapzo
0 Comments