#ZabilianZ June 28: Mizo hmeichhe zinga midangte tana a thlawna thisen pe tam ber ni mek, zaithiam chuai thei lo Rebecca Saimawii (Makuri) chuan vawiin khan Civil Hospital, Aizawla Blood Bank-ah thisen a pe leh a, midang te tana thisen vawi 87 a pekna a ni.#zabilianznews
Makuri hi a hnathawhna Bangaluru atangin music video buaipui tura a lo haw lai a ni a. Thisen a pek leh theih hun nen a lo haw lai hi a innan fuh avangin midangte tan a thlawnin thisen pe leh ta a. Thisen pek chu mi te tana malsawmna a nih ve theihna awmchhun nia sawiin, thisen pe leh thei tura Pathianin hriselna tha a pek avanga a lawmthu a sawi.
Makuri hla thar hi kum 2021-a a phuah 'Hringnun' tih a ni a. tunlaia lar em em Ben Opa'n drummer tha bik a nihna kan hmu dawn a. Makuri nau, Boomarang vocalist Atea mi bik a nihna pawh kan hmu tel dawn.#zabilianznews
Musician dang te pawh nep lo tak vek niin, guitar - Jona Ralte (Shai Hills), bass - Rema (To Coda) leh keyboard - Sam (The Prophets) te an ni dawn a, a music-in a hla mawina a belhchhah hle ang tih rin theih sa a ni.
HC recording studio-ah voice an record zo tawh a, video erawh Roar kutchhuak a ni dawn thung a, shooting an zo tawh a, mixing leh editing hmabak a la ni a, a chhuah theih hun tur sawi chiah theih la ni lo mahse, Makuri music video thar chu kan hmu thuai dawn a ni.#zabilianz #zabilianznews #zabilianzrimawi #zofatehuapzo
0 Comments