#ZabilianZ June 05: MPCC Treasurer Dr. Lalmalsawma Nghaka'n Congress party-in mipui dah pawimawh tak takna leh lainatna thinlung nen an policy tur an duang mek niin a sawi.
Hnahlan-a Champhai North Block-II Congress worker te hun a hmanpuinaah he thu hi nimin khan MPCC Treasurer chuan a sawi a. "Congress chuan duhsakna uchuak leh a thei fal te sum siam tumna restricted tender, departmental works leh work supervisor phuahchhawp te hi kan duh ve lova, kan hnawl dawn" a ti.#zabilianznews
Dr. Lalmalsawma chuan healthcare pawh miharsa ber te leh mi nawlpui banphak turin an hnûkhniam dawn nia sawiin, "langtlang tak, bihchian ngam, zep ruk ngai thil awm lovin kan kalpui dawn" a ti a. Healthcare chu sumdawn nan ni lo, mipui te tana chhenfakawmin an siam dawn niin a sawi.
MPCC Treasurer chuan Chief Minister Pu Lalduhoma’n Ngur -Vapar chunga tuikhuah tur, sea plane pawh ṭum thei tur leh Champhai leh a chhehvel khua te tuia chawm thei tura a sawi hmun a tlawh thu sawiin, "kum 2 hnuah pawh kan CM thusawi bawhzuina hmuh tur a la awm lo" a ti a. "Ruahsur miah lo mahse, Champhai leh a chhevel khua te kum 2 chhung tuia an hnianghnar theihna tur project ropui tak CM meuh pawhin tihtakzeta a sawi tawh bawhzuina a awm lo chu CM zahlohna niin ka hria", a ti bawk.#zabilianz #zabilianznews #zofatehuapzo
0 Comments