#ZabilianZ July 11: MPCC Treasurer Dr Lalmalsawma Nghaka'n ZPM party thil tih dik lo nia an sawi thin te tihchianna an nei nia sawiin, "Congress party hian document te, a tihchianna engemaw tel lovin thil kan sawi ngai lo, Congress party chu thudikah kan ding thin" a ti.#zabilianznews
Congress Bhavan, Aizawl-a political session-ah he thu hi vawiin khan MPCC Treasurer chuan a sawi a. "GST khawn tlahniam chak lutuk te hi engemaw thil fel lo a awm a ni" tiin, "Sumdawng ten inhralh har an ti a, phat ruallohin sum lengvak a tlem hle a ni" a ti.
Sawrkar hmalakna chungchang sawizawmin Dr. Lalmalsawma Nghaka chuan "State sales tax an tipung a, social infrastructure leh road infrastructure cess te an la a. Heng an tax lak te hi a hmanna turah an hmang em kan hre lo. Social infrastructure cess te hi miharsa tanpui nan te hman tur a nih laiin engmah a thawm kan hre lo" a ti a. Road infrastructure cess pawh kawng siamna atana sawrkarin a lak ni mahse, kawng te chu tlan hrehawm khawpin a chhe si niin a sawi.#zabilianznews
MPCC Treasurer chuan hna reng reng departmental work-a thawh ni mahse, sawrkarin supervisor a ruat leh si a, department-in hmingchhiat an tuar leh si niin PWD Engineer pakhatin a hrilh niin a sawi a. "Health Minister-in Health Care sawiselna reng reng chu kan Officer ten an chhang zel ang a ti niin an sawi a, PWD chungchang te hi rawn chhang ve zel se kan duh a ni" a ti.
ZPM sawrkarin Central atanga scheme hrang hrang lo kal te hmang tangkaiin Bana kaih hming an vuah niin MPCC Treasurer chuan a sawi a. "Central-in BPL leh AAY te tana Health Care a siam Ayushman Bharat pawh anmahni kutchhuak angin Mizoram Universal Health Care-ah an hnuklut" a ti bawk.#zabilianz #zabilianznews #zofatehuapzo
0 Comments