#ZabilianZ July 12: MJA Gen. Hqrs-in an member, Journalist pahnih - tunhnaia Emmy Awards dawngtu HC Vanlalruata leh Isaac Zoramsanga te hnenah lawmpuina thuziak leh Rs. sing 1 ve ve an hlan.
Akashvani (AIR) News Editor pahnih HC Vanlalruata leh Isaac Zoramsanga te hi 'Myanmar's Civil War' documentary siamtu BBC team-ah telin, producer an ni a. Kumina Emmy Awards sem takah khan he documentary hmang hian short form category-ah 'Outstanding Continuing News Coverage' award an dawng a ni.#zabilianznews
MJA member chawimawina dawn lawmpuina inkhawm Aizawl Press club-a neih-ah MJA President C Lalrambuatsaiha chuan khawvel huap chawimawina dawngtu zingah MJA member pahnih an tel chu MJA-in a lawmpui takzet thu a sawi a. "Mizo ten journalism lamah rahbi pawimawh tak kan kai tihna a ni a, anni pahnih hian journalism lamah thang an chhuah a ni" a ti.
Chawimawina dawngtu - HC Vanlalruata leh Isaac Zoramsanga te pawhin thu an sawi bakah MJA member engemawzatin lawmpuina leh duhsakna thu an sawi bawk.#zabilianz #zabilianznews #zofatehuapzo
0 Comments