#ZabilianZ July 04: MZP-in vawiin khan under graduate result 2025-a Gold medalist-te an chawimawi a. College SU, hnam pual zirlai pawl leh MZP chhungkua ami degree nei thar mi 88 te bakah MZP thlawp tlattu Lawipu LC member atana thlan Lalbiakthanga hnenah lawmpuina an hlan a, Borapansury-a Zofate Chawlhbuk enkawltu leh MZP iptepui banna Saithangpuii Sailo, Missionary pension hnenah ngaihhruina thilpek an hlan bawk.#zabilianznews
MZP-in under graduate-a gold medalist an chawimawite chu - Arts-ah Lalremsiama (political science), PUC, Commerce-ah R. Lalngaihawmi, HATIM, Lunglei, Science-ah Mary Lalawmpuii (Home Science), Govt. Zirtiri Residential Science College leh Computer application-ah Lalruatfela Chhakchhuak, Govt. Zirtiri Residential Science College te an ni.
He hun hmanpuitu Lok Sabha MP Richard Vanlalhmangaiha chuan All India service leh Central service-ah Mizo an tlem ta lutuk nia sawii, rualawh na a tih thu a sawi a. Thalai ten heti lam hi hawi deuh deuh se a duh thu sawiin, All India service-a luh tumna tak tak nei te puih a inhuam thu leh puih mek pawh a neih thu a sawi.#zabilianznews
Lok Sabha MP Richard Vanlalhmangaiha chuan Mizoram chhe ta vek leh tha lo lutuk anga sawi awm thin chungchangah state dang te nen khaikhin chuan Mizoram chu kawng tam takah a la tha hle niin a sawi a. Tanlak deuh deuh a tul thu erawh a sawi bawk.
He hun hmanpuitu dang Aizawl Bawrhsap Er. Lalhriatpuia pawhin zirlaite tanlak tulna chu rilru leh taksa sawizawi thata, engkima fit tura inbuatsaih a nih thu a sawi a. Thiamna aia pawimawh chu taimakna leh tumruhna a nih thu sawiin, tuihalna nei apiangte an hlawhtling thin tih a sawi bawk a ni.#zabilianz #zabilianznews #zofatehuapzo
0 Comments