#ZabilianZ July 03: I&PR Minister hlui, MNF Sr. Vice President Dr. R. Lalthangliana'n vawiin khan Aizawl Press Club tlawhin, 46th Annual News & Documentary Emmy Award dawngtu BBC team-a tel Mizo Journalist, AIR Aizawl News Editor pahnih – H.C. Vanlalruata leh Isaac Zoramsanga te lawmpuina thuziak a hlan.
Tarlan tawh angin H.C. Vanlalruata leh Isaac Zoramsanga te hi BBC News-in documentary a siam 'Myanmar’s Civil War' ah producer niin, outstanding continuing news coverage – short form category ah chawimawina hi an dawng a ni.
Dr. R. Lalthangliana chuan khawvel huap chawimawina dawngtu Mizo Journalist te chhuanawm a ti thu leh a lawmpui thu a sawi a. Mizo Journalist ten India ram mai ni lo, khawvel huap chawimawina an dawng chu sang taka Zofate vawrhkangtu, midang tana entawntlak chona nasa tak a nih thu a sawi.
Kum 2003 atanga 2008 thlenga I&PR Minister a lo nih tawh thu Dr. R. Lalthangliana chuan sawiin, Journalist-te tana theihtawp a lo chhuah tawhna te a sawi a. Journalist pension an pass sak tawh thu te, h journalist-te tana budget-a thahnem an lo ngaih tawhna leh hmalak tawh dan te a sawi bawk.#zabilianz #zabilianznews #zofatehuapzo
0 Comments