#ZabilianZ July 23: Black Sabbath atanga khawvelin a hmelhriat Ozzy Osbourne - 'the Prince of Darkness' chu a thi tih a chhung ten an puang a. A chhung te leh amah hmangaihtute pawh a hnukchah laiin a bulah an awm nia sawiin, Ozzy Osbourne thih chungchangah hian an chhungkaw mitmei veng turin mitin te an ngen bawk.
Kumin December ni 3-a kum 77 tling tur, kum 76 mi Ozzy Osbourne hi kum 1968-a heavy metal band - Black Sabbath dintu zing ami, an volacilt ni bawk a ni a. December ni 3, 1948-ah Aston, Birmingham-ah piangin, a pa chu John Michael Osbourne a ni.#zabilianznews
Kum 1979-a Black Sabbath a chhuahsan hnu ah pawh a larzual tulh tulh a, album 12 chuang a nei hman a, a single hmasaber 'Crazy Train' chu a hla zinga lar ber pawl a ni awm e.
Kum 2000 hnuah a chhung te nen reality TV show - The Osbournes - an tichhuak a, a nupui Sharon Osbourne leh an fate Kelly Osbourne leh Jack Osbourne te nen an hringnun tam tak he show ah hian an pholang thin.#zabilianznews
A hla tam tak zingah Black Sabbath an nih lai ami - 'Paranoid' 'War Pigs' 'Iron Man' te bakah a mal kal hnuah 'Dreamer' 'Goodbye to Romance' 'Crazy Train' 'Mam I'm coming home' 'Road to nowhere' 'Mr. Crowley' bakah hla dang tam tak te chu Mizo te pawhin kan sakpui dual dual theih tur khawpa helai ah pawh lar phak te an ni.
Chak tawh lo tak chunga tun thla ni 5-a Villa Park, Aston, Birmingham-a mipui hmaa a inlan chu mipui hmaa a inlan tawpna a ni ta a ni.#zabilianz #zabilianznews #zofatehuapzo
0 Comments