#ZabilianZ Aug 28: Tun thla ni 20 thleng khan Mizoramah Myanmar atanga raltlan 33329 an awm mek.
Mizoram State Legislative Assembly 9-na thutkhawm vawi 5-na vawiina zawh taka rorellai member, Aizawl West III bialtu MLA Pu VL Zaithanzama zawhna, Home Minister Pu K. Sapdanga'n ziaka a chhan danin, tun thla ni 20 thleng khan Mizoramah Myanmar atanga raltlan 33329 an awm mek a. Raltlan chhinchhiah hna Mizorama district tinah thawh mek niin, he hna zawh hun tur hi sawi theih a ni lo.
Myanmar raltlan chhinchhiah hna thawhna atan hian sawrkar laipui atangin a hranpaa sum hmuh a awm loh thu Home Minister-in zawhna a chhanna ah chuan tarlan a ni a. Indo-Myanmar ramri hung hungchangah state sawrkar, sawrkar laipui leh Border Guarding Force (Assam Rifles) bakah Border Roads Organization te nena inrawn tlanga hmalak mek a nih thu tarlan a ni bawk.#zabilianz #zabilianznews #zofatehuapzo
0 Comments