#ZabilianZ Aug 15: Supply Minister B. Lalchhanzova'n Mizorama a hmasaber leh awmchhun, Serchhip district-in 'Vantlang Viltu' mobile apps - rukruk, kangmei, leimin leh buaina leh harsatna dang te thuneitute hnena a thlalak nena an report zung zungna tur an hmang chu chhuanawm a tih thu a sawi. He apps. hi Serchhip Bawrhsap hmalaknaa siam a ni.
Serchhip-a Independence Day hmanpuitu Pu B. Lalchhanzova chuan ration card thar - Mizoram state special ration package (MSSRP) chu December 2024 khan hman tan a nih thu sawiin, "buhfai kg-ah Rs. 20 hisapin a khul theih a, Serchhip tan Card 1500 pek a ni tih a sawi.
Khawlailung leh Serchhip town area-ah LPG home delivery hlawhtling taka kalpui a nih thu pawh Supply Minister chuan a sawi a. Furpui atan monsoon stock kudam 6-ah dahkhawl a nih thu a sawi bawk.
Revenue changtu Minister ni bawk B Lalchhanzova chuan Serchhip District-ah Land records digitization tluang taka kalpuiin zaah za (20,491 land records) computer-ah thun a ni tawh niin a sawi a. DILRMP (Digital India Land Records Modernization Programme) hlawhtling taka kalpuiin map-a ram thun runpui (GIS map update) pawh ngawrh taka kalpui mek a nih thu a sawi bawk.#zabilianz #zabilianznews #zofatehuapzo
0 Comments