April ni 1 atanga May ni 23 inkarah zu chi hrang hrang leh a khnawih cheng nuai 48 chuang man hu man

#ZabilianZ May 25, 2026: Kolasib District Excise & Narcotics Department-in kumin April ni 1 atanga May ni 23 inkarah zu chi hrang hrang leh a kaihhnawih Rs. nuai 48, sing 3, sang 1, za 6 leh 15 man hu leh heroin Rs. nuai 38, sing 1, sang 6 leh 96 man hu an man.

District Narco Coordination Centre (NCORD) thutkhawma Kolasib District Excise & Narcotics Dept-in an report danin kumin April ni 1 atanga May ni 23 inkarah zu khapna dan - MLP Act tlawhchhanin thubuai 541 an ziaklut a, NDPS Act tlawhchhanin thubuai 1 an ziaklut bawk.#zabilianznews

Kolasib SDPO R. Lalnunpuia'n kumin May ni 10 khan North Chhimluang khaw bulah Bolero Pick-Up (AS-11GC 5383) atangin sap zu litre 1560, a vaiin case 164 chu Kolasib Police ten an man tih a sawi bawk a. Kolasib Police-in zu an man hi a printed price ang chuan Rs. nuai 7, sing 9 leh 800 man hu a nih thu a sawi.

Kolasib SDPO chuan Kolasib Police te zu man chungchangah hian Vairengte Police Station-ah thubuai ziahluh a nih thu sawiin, zu neitute leh a tawlhtute chhui zui mek an nih thu a sawi bawk a ni.#zabilianz #zabilianznews #zofatehuapzo