Police tiang keng chi (MRP) 150 leh silai keng chi (Armed Police) 200, a vaiin 350, kum hmasaa fair taka kan lak ang khan kan la leh dawn :Home Minister

#ZabilianZ May 25, 2026: Home Minister K. Sapdanga'n “Police tiang keng chi (MRP) 150 leh silai keng chi (Armed Police) 200, a vaiin 350, kum hmasaa fair taka kan lak ang khan kan la leh dawn" a ti.

ZPM party chhung inkhawm vawiina neihah he thu hi Home Minister chuan sawiin, Mizoram Home Guard lakna tur advertisement pawh tihchhuah tawh a nih thu a sawi a. Hmeichhe quota a khah tawh avangin mipa tan chauh a ni rih ang,” a ti bawk.

Home Minister chuan Police leh Home Guard lak turah "matric pass chin, mi chak, discipline tha, mi 94 fair takin lak kan tum" a ti a. "Physical efficiency test leh interview a awm ang a, mark a pu ve ve ang. Duhsak zawng nei chuan exercise lak lamah lo tanpui tur, pressure vang ngawt chuan tlin a harsa ang, insawipui a tangkai vak lovang" tiin, danin a sawi angin Home Guard chu kum 3 atan lak a ni dawn tih a sawi.#zabilianznews 

Police 350 lak leh tur pawh a fair leh hle dawn niin Home Minister chuan a sawi a. Physical efficiency test, written exam leh interview a awm leh tur thu sawiin, "heng inelna chi thum hi mark puttir vek tum a ni a. Silai pu tura saptawng thiam kawngro suttir lutuk kha a awm tawh lovang" a ti a. Sorkar thupek angin exam zawhna chu MPSC-in siamin a endik leh dawn tih a sawi bawk.

UD&PA Minister ni bawk Pu K. Sapdanga chuan Mission Urban Drain kalpui turah consultancy firm ruaia survey zawh tawh a nih thu pawh a sawi a. MLA bialtin huamin hmun 44-ah hmalak tum a nih thu sawiin, "leimin, mual tawlh laka khawpui chhanna atan Rs. vbc. 35 neiin bul kan tan leh mek a ni" tiin, Aizawl-ah hmalak hmasak a nih tur thu leh district khawpui dangah pawh hmalak a nih tur thu a sawi bawk a ni.#zabilianz #zabilianznews #zofatehuapzo