Bawrhsap-in kawngpui danchah tawpsan turin Ngopa JAC a ngen

#ZabilianZ May 15, 2026: Saitual Bawrhsap Srinivas Sadi-a'n NH 102B package-2 siam meka Ngopa khawtlang lungawilohnaa hmalatu Joint Action Committee (JAC) te hnenah kawngpui an danchah mek chu tawpsan turin a ngen.

Ngopa khawtlang harsatna tawh chingfel tûra hmalak mêk a nih thu Saitual Bawrhsap chuan sawiin, compensation chungchâng leh quality tha lo chungchâng pawh Chief Secretary-in DO letter hmangin NHIDCL Managing Director a hriattir tawh niin a sawi a. He kawng dan mêk hian mipui nitin mamawh hrang hrang lam khâwm kawngah district mipuite a nghawng nasa hlê nia sawiin, harsatna siam tawh lo túrin Ngopa JAC chu a ngen a ni.#zabilianznews

Saitual Bawrhsap chuan March ni 27, 2026-a Joint Village Council, Ngopa-in Chief Secretary hnêna ngenna an thehluh chungchângah, an harsatnate a hmun ngêia a enfiah tavwh thu a sawi a. NH-102B package-II part-2 siam mêk chu a nihna tûr ang thlapa siam a nih theihna tûrin compensation la thei lo tura hnâwl tawh 6 te pawh lâk tel an ni leh dawn nia sawiin, NHIDCL lamin in paruk 6 atân compensation Rs. nuai 857, sing 8 leh sang 4 an buaipui mêk niin a sawi.

Ngopa town huam chhunga kaltdang NH siam mêka duhthusâmlo lai te pawh a hmuhpui thu Bawrhsap chuan sawiin, NHIDCL thuneitute pawh hrilhhriat an nih tawh thu a sawi a. A viltu tur monitoring team pawh April ni 24, 2026 ah din a nih tawh thu leh monitoring team Joint VC te pawh telh an nih thu sawiin, harsatnate tluang taka chinfcl a nih theihna tûrin Bawrhsap hmalåk tulna apiangah theihtâwpa hmalâk zėl a tum thu a sawi bawk.#zabilianz #zabilianznews #zofatehuapzo