Chief Minister's Charitable Trust Board Executive Officer leh Secretary ruat

#ZabilianZ May 20, 2026: Chief Minister's Charitable Trust Board of Trustees - Chief Minister Lalduhoma hova vawiina thukhawmin Board Chief Executive Officer atan R. Lalrodingi leh Secretary atan Raymond Lalmuana te an ruat.

Chief Minister's Charitable Trust Board of Trustees thukhawm chuan Chief Minister's Charitable Trust chu Department, Society, NGO leh mimal pawhin CSR dawnthleng atana an hman theih tura inhawn an remti a. Ram pawn atanga dan ang taka tanpuina dawn theihna - foreign contribution regulation act (FCRA) registration neih tha tiin, 'hmalak zui ni se' an ti a. Mizoram CSR Cell nena thawhdun theihna awm apianga thawhdun an remti bawk.

Sorkar thuchhuahin a tarlan danin, Mizoram sorkara department hrang hrang ten CSR dil chhuah an neiha Implementing Agency an mamawhin Chief Minister's Charitable Trust hi Agency-ah an hmang thei ang a. Society, NGO leh mimalin CSR an hmuha agency an mamawh pawhin he Trust hi hman theih a ni dawn bawk a ni.#zabilianz #zabilianznews #zofatehuapzo