YMA-in an ensan leh veng chhuahsan tura an tih Court-ah a zualko

#ZabilianZ May 20, 2026: Kolasib venglai East branch YMA-in ruihhlo zuar an ensan leh veng chhung chhuahsan tura an tih Lalchhuankimi chu ensan leh veng chhuahsan tura tih an nih chungchangah Court-ah a zualko.

Kolasib venglai East branch YMA executive committee chuan an hmalakna avanga Court-a zualko an awm chungchang chu ngaihtuahin, "YMA thuchhuah zah lova kan huam chhunga an awm lui a nih chuan a tul anga hmalak chhunzawm a ni ang" an ti a. Lalchhuankimi te chhungkua chuan ruihhlo do kawnga YMA hmalakna zah lovin ruihhlo an zuar nia sawiin, Venglai East branch a din kum 2020 hma lam atang tawha YMA-in an buaipui tawh niin an sawi.#zabilianznews

YMA hmalakna avanga Court-a zualko Lalchhuankimi te chu ruihhlo avanga vawi tam tak man tawk tawh an nih thu Kolasib venglai East branch YMA chuan sawiin, nu valai pakhat leh thalai pathum, hnathawk thei vek awmna chhungkua ni mahse, ensan an nih pawhin ruihhlo zawrh chu an sim phah chuang lo niin an sawi a. Ensan an nih hnuah man leh an nih avangin veng chhung atanga chhuak tura tih an nih tak thu leh hei pawh hi zawm lova an la awm thu an sawi.

Kolasib venglai East branch YMA chuan Lalchhuankimi fapa Hmangaihsanga chu ensan leh veng chhuahsan tura tih an nih reng laiin kumin February ni 28 khan Sub-Headquarter YMA-in Rengtetlangsang Saidaitheu ramah zu zem hnih leh thlawr sa litre 30 nen an man leh tih an sawi a. Home-a awm turin intiam mahse, a tlan bova, a nu pawhin a fapa awmna a hriatloh thu a sawi a. A intiam anga a awm loh avangin Venglai East huam chhunga inlan tawh lo tura tih niin, an zawm mai tura an ngaih laiin Lalchhuankimi chu Court-ah a zualko zui ta zawk niin an sawi bawk.#zabilianz #zabilianznews #zofatehuapzo