#ZabilianZ May 19, 2026: Mission Shakti hnuaia District Hub for Empowerment of Women (DHEW) bultumin vawiin khan Hnahthial-ah pa tellova fate enkawl seilen kawnga nu chhuanawm pahnih - Biakchhungi leh Vanlalliani te chawimawi an ni a. Hnahthial Bawrhsap K. Vanlalruati'n nu chhuanawm pahnih te hnenah hian chawimawina thuziak leh he chawimawnain a kentel Rs. 5,000 chu a hlan a ni.
Chawimawina dawngtu Biakchhungi w/o Hrangliana (L) - Pangzawl Khawngbawk veng mi niin, fa 11 neiin, pahnihin chatuan ram an pan tawh a. A pasalin chatuan ram a pansan hnu ah a rem rem thawkin an fa te 9 chu a enkawl puitling vek a. A fate hi tunah chuan a then sorkar hnaah te lutin, a thenin dawr an siam a, anmahniin an intodelh vek tawh a ni.#zabilianznews
Chawimawina dawngtu dang Vanlalliani w/o Biakhmingliana (L) - Tarpho khua niin, a pasalin chatuan ram a pansan hnu ah a theih ang anga inhlawhin an fa te 5 chu a enkawl seilian a. Tunah chuan an fa upa berin High School zirtirtu hna thawk mekin, thenkhat Missionary-in an chhuak a, a naupangberin computer a zir mek bawk.
Hnahthial Bawrhsap K. Vanlalruati chuan nu fel leh chhuanawm pahnih ten pa tel lova an fa te mi puitling tak tak ni tura an enkawl seilian chu fakawm a tih thu a sawi a. An fa te an chawm seilian mai ni lova mahni inchawm thei, mi puilting tak veka an chhuah chu ropui a tih thu sawiin, a dawng tur tak ten chawimawina an dawng nia a hriat thu a sawi bawk a ni#zabilianz #zabilianznews #zofatehuapzo
0 Comments