Entertainment huang : Rsa leh Siampuii inkarah awm a awm nia sawi awm mek chu Papuia vlog-in a dik tih a nemngheta ngaitu an tam

#ZabilianZ May 22, 2026: Mizo zaithiam zinga thawm nei lian pahnih J. Lalrosanga leh Siampuii Ralte te inkar chungchang mi tam takin an inrinsiak mek a. Mi tam tak chuan tunhnaia actor Papuia'n a vlog-a a comment danin an lo rin ruk chu a dik tih a nemnghet ni ah an ngai bawk

Tunhnaia Papuia vlog-ah Rsa leh Siampuii te chhuak dun tur hi langin, Papuia chuan fiamthu titakin '.....zirtur tam tak an la nei dawn, anni pawh hian... 'i la tawn ve vek tur a nih kha aw.. Rs,' tih te leh an inkarah engemaw a awm nia ngaihbel theih tur tawngkam dang hmangin a comment nual a. Hei hi Rsa leh Siampuii te an inngaizawng nia ringtu tam tak chuan an rin a dik tih nemnghehnaah ngaiin an lawmpui thu an sawi nghal hlawm.#zabilianzentertainment 

Rsa ngaisangtu tam takin Siampuii nen an inkarah awm a awm nia an rin ruk mek laiin, kumin kumtira Siampuii zin tur Rsa'n airport-a a thlah chuan rinhlelhna a tizual nasa hle a. Hemi hnu hian Chawngte lamah Chapchar Kut hmangin an kal dun leh a. Hmundangah pawh an inzui hmuh tur a awm zauh zauh bawk.

Mizo zaithiam zinga thawm nei lian pahnih te hi anmahni ngaisangtu leh an chanchin ngaihven tak tak thenkhat chuan 2024 kumtawp lam atang tawh khan an inhaw lo hle tih hriatna tur a awm chho tawh ni te pawhin an sawi a, inhmeh an tih thu te an sawi bawk a ni.#zabilianz #zabilianzentertainment #zofatehuapzo