National Open leh Meghalaya Open Taekwondo Championship-a medal la te lawmpui

#ZabilianZ May 23, 2026: 12th National Open Taekwondo Championship, Talkatoria Stadium, New Delhi-a neih leh 2nd Meghalaya Open Taekwondo Championship, Shillong-a Khawzawl atanga tel medal la te lawmpuina hun nimin khan Khawzawl Bawrhsap K. Vanlalthiana hova neih a ni.

National Open Championship-a tel te Mizoram Coach Lalremruata, Khawzawl Dinthar chuan a hova. Khawzawl District Amateur Taekwondo Association atanga tel - Ramtharnghaki (Kg 26 hnuailam), Abisak VL Tlinpuii (Kg 47 hnuailam) leh Gracy Zorinpuii (Poomsae Team) ten Gold Medal an la a. Kg 32 hnuailamah Aron Malsawmtluanga'n Silver medal lain, C. Lalhmingsangi (Kg 44 hnuailam) leh Lalchhanchhuaha (Kg 45 hnuailam) ten Bronze medal an la a. Meghalaya Open Taekwondo Championship-a tel Lallawmsanga, Khawzawl Lungvar veng-in fight (Kyorugi)-ah leh Creative Poomsae-ah Gold ve ve a la  bawk.#zabilianznews

National Open Taekwondo Championship-ah hian Mizoram atanga player 37 kal zingah Khawzawl atangin player 10 telin, player thawh hnem ber district an ni a. Kum 2023-a din Khawzawl District Amateur Taekwondo Association hi kum 2025 leh 2026-a Mizoram Team Champion niin, Taekwondo-ah Best District of the Year 2026 trophy an la nghe nghe a ni.

Khawzawl Bawrhsap K. Vanlalthiana chuan infiammi naupang ten national level-a medal an la thei chu a lawmpui thu sawiin, "an chhuanawm takzet" a ti a. Coach tha tak kaihhruaina hnuaia infiamna an kalpui thei chu lawmawm a tih thu sawiin an thlen chin atanga hma sawn zel tum turin a chah bawk.#zabilianz #zabilianznews #zofatehuapzo