Formosa Foundation-in CYMA kaltlangain branch YMA 473 leh pawl dang 27 hnenah Oxygen Concentrator a pe - Zuangtui branch-in an dawn tur Tripura-a Behliangchhip branch tan an kian

#ZabilianZ May 23, 2026: Formosa Foundation-in Central YMA kaltlangain branch YMA 473 leh pawl dang 27 te hnenah Oxygen Concentrator 500 a pek chu vawiin khan Vanapa Hall-ah an hlan.

Thilpek inhlanna hun hmanpuitu Chief Minister Lalduhoma chuan Formosa Foundation-in ram leh mipui tan thahnemngai takin hma an lo la tawh thîn tih sawiin, CYMA nena tangkawpin Sub-Hqr YMA 13 te leh MTP leh YLA Sub-Hqr hnenah Ambulance pawh an lo pe tawh tih a sawi a. CYMA hnenah vek rikrum thila mamawh puan in 500 leh choka mamawh set 190 a lo pe tawh tih a sawi.

Ruihhlo dona atan YMA Sub-Hqr 9 te hnenah Bolero Camper pawh an pe tawh tih sawiin, Chief Minister chuan "school pahnih hnenah Bus an pe a, hnuchham in-ah te, damdawi in-ah te, kohhranah te thilpek an pe hnem tawh hle" a ti a. "Covid19 hripui len laia an hnathawhte phei kha chu a tam tham hle a, kan tangkaipui em em a ni," a ti.#zabilianznews

Chief Minister chuan Lt. Gen Vikas Lakhera leh Assam Rifles-in Mizoram tana hna an thawhna kawngah te, tuntuma sem chhuah oxygen concentrator phurh kualna lama an lo tanpui avangtein lawmthu a sawi bawk.

Oxygen Concentrator 500 te hi Mizoram, Assam, Tripura leh Manipur-a YMA branch thlan chhuah te bakah YLA leh MTP branch thenkhat ten a hmunah hian an dawng a. Zuangtui branch YMA chuan an dawn tur hi Tripura-a Behliangchhip Branch te an kian bawk a ni.#zabilianz #zabilianznews #zofatehuapzo