PWD Minister-in Mizoram leh Tripura ramri Langkaih luia lei dawh thar a hawng

#ZabilianZ May 23, 2026: Mizoram leh Tripura ramri Langkai luia lei dawh thar chu PWD Minister Vanlalhlana'n a hawng a. "Lei kan hawng mai ni lovin mipuite hnena kan thutiam kan hlen tih entirna pawimawh tak a ni" a ti.

PWD Minister chuan Mizoram tana lei pawimawh hawn a ni chu lawmawm a tih thu sawiin, "ram tan bung thar pawimawh tak a ni" a ti a. State thenawm Tripura nena inzawmna tha neih zelna tura ruahman Langkaih lei chu 'Ramri Lei' tia vuahin "inpawhtawnna a than zel ka beisei a ni" a ti bawk.

Sorkar thuchhuahin a tarlan danin Langkaih lei dawhna atan hian NABARD (RIDF-XXIII) atangin loan Rs nuai 2231.91 chu January ni 29, 2018-ah hmuh a ni a. Tender chhuah zui nghal niin, March ni 27, 2018 ah M/s Sadguru Engineers & Allied Services Private Limited hnenah he hna hi pek a ni a. Agreement amount Rs nuai 2203.26 a ni.#zabilianz #zabilianznews #zofatehuapzo