Kum 12 mi Esther Lalpekhlui'n a lehkhabu ziah pahnihna a tichhuak

#ZabilianZ May 19, 2026: Beti Bachao, Beti Padhao Girl Champion Award, 2026 dawngtu, kum 12 mi  Esther Lalpekhlui'n a lehkhabu ziah pahnihna ‘Tawngtai Thiltihtheihna (Hmeichhe 40-te nun atangin)’ tih chu a tichhuak.

Tuikhuahtlang, Aizawla cheng Esther Lalpekhlui hian kum 11 mi a nih lai, nikum khan a lehkhabu ziah hmasaber - I nun thlak danglam turin - tih chu a lo tichhuak tawh a. Mizo zingah Mizo tawnga lehkhabu ziak naupangber niin, January ni 23, 2026-a National Girl Child’s Day-ah khan Beti Bachao Beti Padhao (BBBP) Girl Champion Award, 2026 hlan a ni.#zabilianznews

A lehkhabu tihchhuah hmasaber avangin Esther Lalpekhlui hi Youth Empowerment Summit - YES 2025-a Stars of Tomorrow atana Mizo naupang panga thlan chhuah zingah a tel tawh bawk.

Esther Lalpekhlui te unau hian lehkhabu an tichhuak vek tawh a. A nau, Shepherd Zomuani'n nikum khan lehkhabu pahnih tichhuakin a u Moses Lalawmpuia leh a nu Ammie Lalnunpuii pawhin lehkhabu an lo tichhuah tawh bawk a ni.#zabilianz #zabilianznews #zofatehuapzo