MISA-in HSLC leh HSSLC result bu kalphung thar zirna tlakhniamnaah an ngai

#ZabilianZ May 08, 2026: Mizoram Independent Schools Association (MISA)-in HSLC leh HSSLC result-a merit list, subject topper, division leh letter hmuhna te lang ta lo chu tha an tih loh thu sawiin, zirna tlakhniamnaa an ngaih thu an sawi.

MISA chuan vawiin khan Aizawl Press Club-ah thuthar thehdarhtute kawmin, he thu hi an sawi a. MBSE-in HSLC leh HSSLC result a tihchhuaha merit list, subject topper, division leh letter hmuhna te a tarlang ta lo chuan zirlaiteah rualelna a nuaibo dawn nia sawiin, pawi an tih thu an sawi.

Result bua-a mimal leh school ti tha tarlang ta lova, angkhat veka hrut rual a ni ta chu deficit, private leh sorkar school ngawrh leh taima taka zirna kalpui te leh inthlahdah taka zirna kalpuite hruatrualna niin an sawi a. Hei hi nasa taka zirna standard tlakhniamnaa an ngaih thu sawiin, "inelna sang taka hmanga zirna quality sang tak kan lo neih thin chu inelna awm lovin a tlusawp dawn ta, kan ti lo thei lovang" an ti bawk.

HSLC leh HSSLC result bu kalphung tihdanglam chungchanga MBSE leh a changtu Minister-in a chhan nia an sawi te chu awmze nei rillo tak nia a lan thu MISA chuan an sawi bawk a ni.#zabilianz #zabilianznews #zofatehuapzo