NESO-in Manipur-a kohhran hruaitu thattute an dem - Manipur buaina chingfel tura hma la turin sorkar laipui an phut

#ZabilianZ May 21, 2026: North East Students’ Organization (NESO)-in Manipur buaina chungchang ngaihtuahin, tunhnaia kohhran hruaitu pawisawilote thah an ni leh civil mi beih an ni fo chu pawi an tih thu an sawi a. Remna mission-a kal ralthuam keng lo leh sualna nei lo civil mi te chunga tharum thawhna thleng chu dik an tih theih ngai loh tur thu leh pawikhawihtute na taka an dem thu an sawi.

Tunhnaia Manipur buaina avanga mi tam tak kidnap-a, hrenbeh an ni pawh NESO chuan pawi an tih thu sawiin, tam tak chhuah zalen ni tawh mahse, hren mek an la awm thu an sawi a. La hrehbeh mek te chu him dam taka chhuah zalen turin a mantute an ngen bawk.

Manipur buaina kum thum a ni tawh chunga buaina chingfel tura sorkar laipui hmalakna mumal la awm lo pawh na taka an dem thu NESO chuan an sawi a. "Rei tak buaina a chhuah tawh hnu leh pawisawilo tam tak an thih tawh hnuah pawh India sorkar chuan a tih tur a ti lo" tiin, buaina intan atanga chhui zui theih miah lova bo tam tak an awm thu leh an chin hre tura tih ngai te tia hma la turin Central sorkar chu an phut a ni.#zabilianznews

NESO chuan Manipur buainain a nghawng zawng zawng te chu tharum thawhna leh phuba lakna hnawl tura ngenin, Manipur-ah remna, dikna leh nunphung siamthatn kawngah tangruala, lungrual taka thawkho turin a ngen bawk.

NESO thutkhawm hi All Assam Students’ Union (AASU)-in Guwahati-ah a thleng a. A thlengtu AASU bakah - All Manipur Students’ Union (AMSU), All Arunachal Pradesh Students’ Union (AAPSU), Khasi Students’ Union (KSU), Mizo Zirlai Pawl (MZP), Garo Students’ Union (GSU) leh Naga Students’ Federation (NSF) te he thutkhawmah hian an tel a. Manipur-ah remna a awm a, nunphung pangngai an zawma, buaina avanga harsatna tawk pawisawilo ten an zahawmna leh dikna chanvo an chan leh theihna tura a tul anga hmalak chhunzawm zel an rel a ni.#zabilianz #zabilianznews #zofatehuapzo