UD&PA Minister-in Rs. vbc 10.65 senga siam Hlimen football khelmual a hawng

#ZabilianZ May 21, 2026: Aizawl Smart City Limited hnuaia Rs. vbc 10.65 senga siam Hlimen football khelmual chu vawiin khan UD&PA Minister K. Sapdanga'n a hawng.

UD&PA Minister chuan "India ram pumpuiah Mizo te chu football khel thiama hriat kan ni a, ISL leh I-league ah te player chhuanawm tak tak kan nei" tiin, he hmingthatna hi chhawmnun a nih zel theihna turah khelmual hawn thar chuan kawngro tam tak a sut ngei a beisei thu a sawi a. Field nuam satliah lo, ṭhalai tam tak football lama michhuanawm chher chhuaktu a lo niha, hriselna kawngahte, mahni invawn kawngahte Hlimen khawtlang tan pawh malsawma thlentu a nih ngei a beisei thu a sawi bawk.#zabilianznews

Aizawl Smart City Limited Chief Exexutive Officer CC. Lalchhuangkima'n a sawi danin, he khelmual hi Rs. vbc 10.65 senga sak siam niin, Lalhming Infrastructure and Construction Pvt Ltd-in April ni 25, 2022 ah hna tanin, February ni 28, 2026 ah an zo a ni.

Smart City Limited Chief Exexutive Officer chuan Hlimen veng Local Council hruaitute hnenah neitu nihna leh a enkawltu nihna a hlan nghal a. He khelmual hi chhun leh zana hman theih tura duan a ni.#zabilianz #zabilianznews #zofatehuapzo