Pensioner rawihnawn duh lovin MZP-in Tourism Dept-a thawk te Pisa kai tur dan an tum

#ZabilianZ May 23, 2026: MZP-in Pensioner R. Lalrodingi - Tourism Director hna chelh leh tura sorkarin a tih avangin May ni 25, 2026 (Thawhtanni)-ah Tourism Dept-a thawk te Pisa kai tur an dang dawn.

Tourism Director pension tawh rawih nawn an duh loh thu leh May ni 14, 2026 ral hmaa rawihnawnna order sut turin MZP chuan sorkar an lo ngen tawh a. An hun tiam thlen hma May ni 13, 2026-ah Chief Minister hmuin, Chief Minister chuan ennawn a nih tur thu ziakin a lo pe tih MZP President C Lalremruata'n a sawi.#zabilianznews

April ni 24, 2026-ah OSD to CM leh Tourism Director atana April ni 30, 2026-a Commerce & Industries Additional Director aṭanga pension R Lalrodingi rawih nawnna tur order tihchhuah a ni a. MZP-in hei hi dodalin, May ni 14, 2026 ral hma ngeia pensioner rawihnawnna order chu sut turin sorkar an phut.#zabilianznews

An hun tiam thlen hma ni May ni 13, 2026 zanah MZP hruaitu ten Chief Minister an hmu a, Chief Minister chuan pensioner rawihnawn chungchang chu ngaihtuahnawn a nih tur thu ziakin a lo pe.

May ni 15, 2026-ah R. Lalrodingi chu OSD to CM atan chauh co-terminus-a rawihna tur order tihchhuah zui nghal a ni.#zabilianznews

May ni 22, 2026-ah R. Lalrodingi chu Tourism Director mawhphurhna la tel tura tihna order tihchhuah leh a ni.

MZP President chuan sorkar hnathawk pension tawh te rawih nawn dan hrang hrang - adviser, consultant leh OSD-te chu an sawisel loh thu sawiin, department pakhat direcor tura mi pakhat duhsak bik a ni chu tha lo an tih thu leh an dodal tlat tur thu a sawi a. Tourism Director mawhphurhna la tel tura pensioner ruat nawn leh chu Mizoram mipui leh zirlaite zahlohnaa an ngaih thu leh order chu sut a nih hma chuan na taka an dodal zel tur thu a sawi bawk.#zabilianz #zabilianznews #zofatehuapzo