PTS Thenzawla thil thar chi hrang hrang Home Minister-in a hawng

#ZabilianZ May 14, 2025: Police Training School, Thenzawla - digital lab, indoor gymnasium, indoor firearms training simulator leh gate pui siam thar te chu vawiin khan Home Minister K. Sapdanga'n a hawng.

Home Minister chuan Police department-in 'year of discipline programme' thar a kalpui chu hêng hmalakna thar te hian nasa taka a tanpui a beisei thu a sawi a. Police hnaah discipline, professional conduct leh physical fitness te pawimawh zia sawiin PTS-a training standard a tihsan lehzual tur thu a sawi.

70th batch recruit Constable trainee te lakah pawh beiseina sang tak a neih thu Home Minister chuan sawiin, recruitment process dik tak leh langtlang taka kalpui a nih ang ngeia Mizoram tana police force professional leh thiam tak an nih zel a beisei thu a sawi bawk.

PTS Thenzawla thil thar te hi Home Minister leh DGP te hmalaknaa Assistance to States & UTs for Modernisation of Police (ASUMP) Scheme hmangtea tihhlawhtlin an nih thu sorkar thuchhuah chuan a tarlang a ni.#zabilianz #zabilianznews #zofatehuapzo